Şou-biznes

Şou-biznes

Azərbaycanlı rəqqasə Oksana Rəsulova Rusiyada keçirilən beynəlxalq hind rəqsləri müsabiqəsində birincilik qazanıb - FOTOSESSİYA

Azərbaycanlı rəqqasə Oksana Rəsulova Rusiyada keçirilən beynəlxalq hind rəqsləri müsabiqəsində birincilik qazanıb - <font color=red>FOTOSESSİYA</font>

21 oktyabr 2009 08:40 (UTC +04:00)

Bakı. Ülkər Qasımova-APA. Azərbaycanlı rəqqasə Oksana Rəsulova Rusiyanın paytaxtı Moskvada keçirilən iki beynəlxalq hind rəqsləri festival-müsabiqəsində iştirak edib. Oksana Rəsulovanın APA-ya verdiyi məlumata görə, həmin festival-müsabiqələrdən biri Hindistanın Mədəniyyət Festivalı “Divaly -2009” olub. Həmin festivalda Azərbaycanı təmsil edən həmyerlimiz birinci yerə layiq görülüb: “Bu müsabiqədə 10-a yaxın ölkə iştirak edirdi. Festivalda solo hind rəqsləri müsabiqəsi keçirildi. Həmin müsabiqədə Azərbaycan birinci yeri qazandı. Müsabiqədə müxtəlif ölkələri təmsil edən münsiflərin hamısı mənə ən yüksək 10 xalı verdilər”. O. Rəsulovanın bildirdiyinə görə, müsabiqədə ikinci yerə Ukrayna, üçüncü yerə isə Rusiya layiq görülüb: “Bu zamana kimi bir çox beynəlxalq festivallarda iştirak etmişəm, ancaq ilk dəfə idi ki, çox güclü rəqiblərim var idi. Festivalın yekununda mənə birinci yerin kubokunu və birinci dərəcəli diplomu təntənəli surətdə təqdim etdilər”.

Həmyerlimizin ölkəmizi təmsil etdiyi ikinci müsabiqə isə 15-18 oktyabr tarixlərində baş tutub. Bu hind rəqslərinin üçüncü açıq festival-müsabiqəsi idi: “Bu müsabiqə də Rusiyada keçirildi. Ötən illərdə bu müsabiqədə mən birinciliyi qazanmışdım. Bu dəfə isə müsabiqədə birinci və ikinci yer Rusiya rəqqaslarına, üçüncü yer isə Azərbaycana verildi. Azərbaycanın adını üçüncü çəkəndə bütün zaldakı tamaşaçılar gülüşürdülər, çünki nəticə onları qane etməmişdir. Festivaldan sonra münsiflər heyətində təmsil olunan müasir və klassik hind rəqslərini tədris edən müəllim Aşvanini Neqam mənə yaxınlaşdı və mənim rəqsimə heyran olduğunu bildirdi. Bildirdi ki, həm artistlik, həm rəqs, həm də hind elementlərinə görə mənə ən yüksək xalı verib”. Azərbaycanlı rəqqasənin sözlərinə görə, bu festival Hindistanın Rusiyadakı səfirliyinin təşkilatçılığı ilə keçirilib. Bu festivalın sonunda qala konsertdə iştirak edən Oksan Rəsulova, bu yeni təkliflər aldığını da vurğulayıb: “Elə orada olanda “İndia TV” kanalından təklif bir neçə aldım. Həmin kanalın bir neçə maraqlı proqramına, konsertlərə dəvət olundum. Eləcə də Hindistanda keçiriləcək müsabiqələrdə də iştirak etməyə dəvət almışam”.