Şou-biznes

Şou-biznes

Manana Çaparidze Moskvanın “Monolit” studiyasında yeni albom hazırlayır - FOTO

Manana Çaparidze Moskvanın “Monolit” studiyasında yeni albom hazırlayır - <font color=red>FOTO </font>

25 noyabr 2009 04:37 (UTC +04:00)

Bakı. Ülkər Qasımova-APA. Azərbaycanın əməkdar artisti Manana Çaparidzenin Moskvada yeni albomu işıq üzü görəcək. Bu barədə APA-ya məlumat verən Manana bildirib ki, həmin albom Moskvanın “Monolit” studiyasında hazırlanır və yaxın vaxtlarda artıq hazır olacaq. Albomda müğənninin ifasında 16 mahnı yer alacaq: “Bu albomda mənim ifamda eşidilən və sevilən mahnılarla yanaşı bir neçə yeni mahnılar da yer alacaq. Bu albomu mən pərəstişkarlarım və dinləyicilər üçün hazırlayıram. Albomda eləcə də Azərbaycanda keçirilən toyumuzda ifa etdiyim və həyat yoldaşım Georgiyə həsr etdiyim “Sən və mən” mahnısı da yer alacaq”.

2010-cu ildə isə Manana Çaparidzenin ifasında bəstəkarlar Eldar Mansurovun iki mahnısını, eləcə də Sevinc Tağıyevanın musiqiləri səslənəcək. Hazırda isə müğənni bu yeni mahnılardan hansına klip çəkiləcəyini müəyyənləşdirir. Sənətçinin qarşıdakı planlarında solo-konsert layihəsi də var: “Ötən il qızımın dünyaya gəlməyi səbəbindən solo konsert layihəsini həyata keçirə bilmədik. Bu çox gözəl səbəbədir və bu cür səbəbin mənim də həyatımda olduğu üçün çox sevinirəm. Solo konsert layihəm bir deyil. Konsertimin həm açıq, həm də bağlı konsert salonunda keçirilməsini nəzərdə tuturuq. Artıq eyni proqramla, halbuki mən hələ bu konserti verməmişəm Gürcüstanda istəyirlər. Azərbaycanda bu konsertim həyata keçirildikdən sonra Gürcüstanda da eyni konsert proqramı ilə çıxış edəcəyəm”. M.Çaparidze qeyd edib ki, bu yaxınlarda o, Tiflisin şəhər ictimaiyyəti tərəfindən Tiflisin fəxri vətəndaşı titulu ilə təltif olunub. Bu mükafat sənətçiyə həm qazandığı uğurlara, həm də Azərbaycanla Gürcüstan arasında mədəni əlaqələrin inkişafında göstərdiyi xidmətlərə görə verilib.