Şou-biznes

Ana səhifə

Şou-biznes

Aysel Teymurzadənin yeni mahnısı sevgidən bəhs edir

19 dekabr 2009 06:21 (UTC +04:00)

Bakı. Ülkər Qasımova – APA. “Eurovision-2009” müsabiqəsində Azərbaycanı təmsil edən Aysel Teymurzadənin ifasında yaxın günlərdə yeni mahnını hamı dinləyə biləcək.

Bu barədə APA-ya məlumat verən istedadlı müğənni yeni mahnının İsveçdə yazıldığını və sevgidən bəhs etdiyini vurğulayıb. Onun sözlərinə görə, müsabiqədən sonra ifasında yeni mahnının eşidilməməsinin səbəbi özünün verdiyi qərar olub: “Mən ifamda yeni mahnı olsun deyə, tələm-tələsik mahnı yazdıra bilmərəm. Keyfiyyətli məhsulun hazırlanması üçün zaman tələb olunur. Yeni mahnım isə çox yüksək səviyyədə alınıb və bunun üçün mən əlimdən gələni etmişəm. Sizin ixtiyarınıza verəcəyim bu mahnı sevgidən bəhs edir”.

A.Teymurzadə apreldə toyunun olacağı ilə bağlı yayılan xəbərləri təkzib edib: “Bu yaxınlarda hansısa mətbu orqanda aprelin 15-də toyumun olacağı barədə xəbərlər yazılmışdı. Mən hətta həmin yazının müəllifinin kimliyini belə bilmirəm, bu yazı ilə bağlı dostlarım vasitəsilə xəbər tutdum. Bu görünməmiş qalmaqaldır. Mən yaxın vaxtlar üçün gəlinlik paltarı geyinmək fikrində deyiləm. Mənim planlarım ancaq və ancaq yaradıcılıqla bağlıdır”.