Şou-biznes

Ana səhifə

Şou-biznes

“Fashion TV” kanalının modeli Tatyana Ji: “Azərbaycan qadınlarının geyim tərzini bəyənirəm” - FOTO

“Fashion TV” kanalının modeli Tatyana Ji: “Azərbaycan qadınlarının geyim tərzini bəyənirəm” - <font color=red>FOTO</font>

25 dekabr 2009 09:26 (UTC +04:00)

Bakı. Ülkər Qasımova-APA. “Model biznesində uğur qazanmaq üçün insana ilk növbədə böyük səbir və dözüm və iradə lazımdır. Model fəaliyyəti böyük əmək tələb edir və çox çətin iş rejimi olan sahədir. Çünki hər bir uğurlu model çoxsaylı ölkələrə səfərlər edir və bu səfərlər dözümsüz insanı yora bilər”. Bu sözləri APA-ya açıqlamasında Azərbaycana ilk dəfə səfər edən və dünyaca tanınmış moda kanalı olan “Fashion TV”nin Bakıda təşkil etdiyi moda sərgisində iştirak edən model Tatyana Ji deyib: “Mən Azərbaycanın moda biznesini çox da yaxından izləmirəm və o səbəbdən də buranın moda həyatından xəbərsizəm. Bu mənim Azərbaycanla ilk işbirliyimdir. Bakı ilk baxışdan çox xoşuma gəldi. Buranın insanları çox ürəyiaçıq şəhəriniz isə çox işıqlıdır”.

Adi həyatda sərbəst geyimə üstünlük verən Tatyana Ji, geyim brendi olaraq əsasən “Gucci” və “Dolge Cabbana”dan geyimlərinə üstünlük verir. Moda biznesini tədricən tərk etmək istədiyini vurğulayan model, bunun səbəbini yeni layihələri ilə əlaqələndirib. Gənc model Bakıya gəlməsi qarşılığında nə qədər vəsait aldığını açıqlamaqdan imtina edib. O, “Fashion TV” kanalı ilə bir ilə yaxındır əməkdaşlıq etdiyini, moda biznesi sahəsində 20 yaşından fəaliyyət göstərdiyini qeyd edib: “Hazırda 23 yaşındayam və bu biznesə bir qədər gec başlamışam. Modellər üçün nəzərdə tutulmuş elit məktəbdə dərs almamışam”. Tanınmış dünya modeli olan Naomi Kempbell haqqında da danışan Tatyana Ji, onun model biznesində qazandığı uğurlarını bəyəndiyini bildirib: “O, “qara panteradır”. Modellər arasında ən yaxşısıdır, lakin artıq onun dövrü keçib. Belə ki, podiuma hazırda daha gənc və perspektivli modellər çıxır”.

Modellərin uğurlarından danışan “Fashion TV” modeli özünü super model saymadığını qeyd edib: “Mən heç də özümü super model hesab etmirəm. Bu sənəti özüm üçün hobbi hesab edirəm və ali təhsil almaq üçün sənədlərimi şərqsünaslıq fakültəsinə verəcəyəm”. Açıqlamasının sonunda Tatyana Ji Azərbaycan xanımlarının geyim tərzini bəyəndiyini bildirib.