Şou-biznes

Ana səhifə

Şou-biznes

“Qış nağılı” adlı bayram şənliyi tamaşaçıların xahişləri ilə bir gün uzadılıb – FOTO

“Qış nağılı” adlı bayram şənliyi tamaşaçıların xahişləri ilə bir gün uzadılıb – <font color=red>FOTO</font>

26 dekabr 2009 11:29 (UTC +04:00)

Bakı. Ülkər Qasımova – APA. Heydər Əliyev Sarayında keçiriləcək “Qış nağılı” adlı 3 günlük yeni il şənliyinin proqramı bir gün uzadılıb. Sarayın mətbuat katibi Anar Fərəczadənin APA-ya verdiyi məlumata görə, çoxsaylı xahişlərdən sonra saray rəhbərliyi proqramı uzatmaq qərarına gəlib.

A. Fərəczadə bildirib ki, bayram şənliyinin üç günü üçün bütün biletlər satılıb qurtarıb və artırılmış bir günün də biletləri satışa çıxarılıb: “Dekabrın 25-də sarayın səhnəsində bu ilin sonuncu konserti keçirildi. Bu gün səhərdən isə bayram şənliyinin yolkası qurulub və məşqlərə başlanılıb. Hazırda bayram şənliyi ilə bağlı ciddi tərtibat işləri gedir”.

Mətbuat katibi azyaşlı uşaqlar üçün maraqlı hədiyyələr hazırlandığını söyləyib. Digər şənliklərdə verilən hədiyyələrdən fərqli olaraq, saray azyaşlı uşaqlara onların ilkin təhsilinə yardımçı olacaq ləvazimatlar hədiyyə edəcək. Dörd günlük proqramda müasir qəhrəmanlar Şreyk, Zorro, klassik qəhrəmanlar Qırmızıpapaq, Vinni pux, Qar kraliçası, eləcə də milli nağıl qəhrəmanlarını görmək mümkün olacaq. A. Fərəczadə proqramda yenilik etmək qərarına gəldiklərini də açıqlayıb: “Müasir mahnılar, rəqslərlə yanaşı, “Eurovision-2009” mahnı müsabiqəsində Azərbaycan təmsilçilərinin ifa etdikləri “Always”, qalib olan Aleksandr Rıbakın “Fairetale” mahnısı kiçik və istedadlı uşaqların ifasında səslənəcək”.

Qeyd edək ki, “Qış nağılı”nın biletlərinin qiyməti 3-10 manat arasındadır. Şənliklərin informasiya dəstəyi APA İnformasiya Agentliyinə məxsusdur.