Şou-biznes

Ana səhifə

Şou-biznes

Fan-klub: “Eurovision-2010”-da Azərbaycanı Avropa imicli və daha çox Avropaya uyğun səsə malik namizəd təmsil etməlidir - FOTO

Fan-klub: “Eurovision-2010”-da Azərbaycanı Avropa imicli və daha çox Avropaya uyğun səsə malik namizəd təmsil etməlidir - <font color=red>FOTO </font>

14 yanvar 2010 12:45 (UTC +04:00)

Bakı. Ülkər Q asımova – APA. Azərbaycanın “Eurovision” müsabiqəsi üzrə rəsmi Fan-klubu “Ogae Azerbaijan” bu ilin mayında Osloda keçiriləcək “Eurovision-2010” müsabiqəsində sona qalan 6 namizədin hər birini dəstəkləyir. Bu barədə APA-ya açıqlamasında “Ogae Azerbaijan”ın vitse-prezidenti Ömər Əbdülkərimov bildirib.
Ö. Ömər Əbdülkərimov deyib ki, AySel & Arash-ın uğurunu təkrarlamaq və bundan daha böyük uğurlar əldə etmək üçün Azərbaycanı bu il Avropa imicli və daha çox Avropaya uyğun səsə malik namizəd təmsil etməlidir. Ö. Əbdülkərimov müsabiqənin milli Yayım Şurası olan İTV-nin yarımfinal mərhələsində ancaq münsiflər heyətinin səsverməsini əsas götürməsini dəstəklədiklərini də vurğulayıb: “Ötən illərə nəzər salanda, münsiflər heyətinin çox uğurlu seçim etdiyini görürük. Həmçinin onu da nəzərə alaq ki, sms səsverməsi məqsədə uyğun deyil. Çünki namizədlərdən Məryəm, “Mil&Kisses” qrupu və Elli Azərbaycanda elə də tanınmırlar, belə olan halda sms-lər, əlbəttə ki, ölkədə tanan Səfurə və Azada göndəriləcək”.

Vitse-prezident “Ogae Azerbaijan”ın fəaliyyətə başladığı iki il ərzində böyük işlər gördüyünü deyib: “İki il müddətində klubun bütün üzvləri müsabiqənin keçirildiyi ölkədə Azərbaycan təmsilçilərinin təbliğatı ilə məşğul olur, onları dəstəkləyir. Klubumuz Azərbaycanı və Azərbaycanın mədəniyyətini təbliğ etməklə də məşğuldur. Ümumiyyətlə, dünyada 38 Ogae klub var, Qafqazda ilk və hələlik yeganə klub isə “Ogae Azerbaycan”dır. Onu da vurğulayım ki, Ogae klublar üçün Avropa Yayım Birliyi (EBU) “Eurovision” müsabiqəsi zamanı xüsusi, səhnənin düz qarşısında yerlər ayırır”.

Qeyd edək ki, “Ogae Azərbaijan”ın prezidenti Almaniyada yaşayan azərbaycanlı Fariz Qasımlıdır. Klubun rəsmi olaraq 25 üzvü var.