Şou-biznes

Ana səhifə

Şou-biznes

Ötən il “Eurovision”da iştirakdan imtina edən Gürcüstan artıq “Eurovision-2010”da təmsilçisinin adını açıqlayıb - FOTO

Ötən il “Eurovision”da iştirakdan imtina edən Gürcüstan artıq “Eurovision-2010”da təmsilçisinin adını açıqlayıb - <font color=red>FOTO </font>

18 yanvar 2010 09:14 (UTC +04:00)

Bakı. Ülkər Qasımova-APA. Bu ilin mayında Norveçin paytaxtı Osloda keçiriləcək “Eurovision-2010” müsabiqəsində iştirakçı ölkələrdən biri olan Gürcüstan da təmsilçisinin adını açıqlayıb. APA-nın müsabiqənin rəsmi internet saytına istinadən yaydığı xəbərə görə, Gürcüstanı 55-ci “Eurovision” müsabiqəsində 23 yaşlı Sofo Nijaradze (Sopho Nizharadze) təmsil edəcək. Təmsilçinin bu müsabiqədə ifa edəcəyi mahnı isə fevralın sonlarında xüsusi televiziya şousunda təqdim olunacaq.

Məlumat üçün əlavə edək ki, Sofo Nijaradze 1986-cı ilin fevralın 6-da Tiflisdə anadan olub və Dövlət Musiqi Akademiyasını fəxri diplomla bitirib. Bir neçə beynəlxalq müsabiqələrdə, o cümlədən Mini La Skalada “Bravo, Bravissimo!”, Moskvada “Crystal Note” və Gürcüstanda “Crystal Fur-tree” kimi məşhur müsabiqələrdə iştirak edib. 2001-ci ildə o Gürcüstan Dövlət Filarmoniyasının solisti olub. Sonra Moskvaya gedərək Moskva Dövlət Teatr və İncəsənət Akademiyasının “Romeo və Culietta” tamaşasında iştirak edib. 2005-ci ildə Yurmalada keçirilən “Yeni dalğa” müsabiqəsində də iştirak edən Gürcüstan təmsilçisi burda da uğur qazanıb. Onu da vurğulamaq yerinə düşər ki, müğənni Rusiya Gürcüstan problemlərinə etiraz olaraq sonradan Moskvanı tərk edib.

Xatırladaq ki, Gürcüstan ötən ilin mayında Moskvada keçirilən “Eurovision-2009” müsabiqəsində iştirakdan imtina etmişdi.

Qeyd edək ki, 55-ci “Eurovision” müsabiqəsinin yarımfinalları mayın 25-i və 27-də, finalı isə 29-da Osloda “Telenor Arena”da keçiriləcək.