Şou-biznes

Ana səhifə

Şou-biznes

Səfurə Əlizadə: “Əgər təmsilçilik mənə həvalə olunsa, “Eurovision” tarixinə saksafonla düşmək istəyirəm” - FOTOSESSİYA

Səfurə Əlizadə: “Əgər təmsilçilik mənə həvalə olunsa, “Eurovision” tarixinə saksafonla düşmək istəyirəm” - <font color=red>FOTOSESSİYA</font>

18 yanvar 2010 12:47 (UTC +04:00)

Bakı. Ülkər Qasımova-APA. “Eurovision” tarixinə saksafonla düşmək istəyirəm. Əgər Azərbaycan təmsilçiliyi mənə həvalə olunsa, “Eurovision” tarixinə bu yeniliklə düşə bilərəm. Mən bununla həm təəccübləndirib, həm də fərqlənəcəyəm. Eyni zamanda səsimə, rəqsimə də üstünlük verərəm”. Bu açıqlamanı APA-nın sualını cavablandırarkən “Eurovision-2010” müsabiqəsində Azərbaycanı təmsil etməyə iddialı namizədlərdən Səfurə Əlizadə deyib. Namizəd açıqlamasında dəfələrlə özünə güvəndiyini və hər şeyin çox yaxşı olacağına əminliyini dilə gətirib. “Eurovision” müsabiqəsini cəmi iki ildir izləyən namizəd ən uğurlu çıxışların da məhz Azərbaycanın adı ilə bağlı olduğunu deyib: “Eurovision” müsabiqəsini Azərbaycan iştirak etdiyi illərdə izləmişəm, ondan əvvəl izləməyə isə vaxtım yox idi. Ötən il bizim təmsilçilərimizlə yanaşı ukraynalı ifaçının da nömrəsini çox bəyənmişdim. “Eurovision” təmsilçisində mütləq gözəl görünüş, şarm, plastika olmalıdır. Bununla yanaşı təmsilçi səhnədə xarakter nümayiş etdirməlidir, heç nədən qorxmamalı və yorulmamadır”.

S. Əlizadə artıq “Eurovision”da Azərbaycanı təmsil etməsi üçün çoxsaylı insanın onu dəstəklədiyini söyləyib: “Çox insanlar mənim tərəfimdədir və mənim bu müsabiqəyə getməyimi istəyir. Yəqin bu da sadaladığım üstünlüklərimə görədir. Hətta mənə elə insanlar dəstək olurlar ki, bununla fəxr edirəm. Yəqin ki, onların hər biri mənim istedadımı gördükləri üçün mənim adımı çəkirlər, yoxsa boş-boşuna onların nə marağı ola bilər?” Namizəd eləcə də artıq onun adının təmsilçi kimi hallanmasına və məhz onun artıq sözügedən müsabiqədə Azərbaycan təmsilçi seçilməsi ilə bağlı fikirlərə də münasibətini də bildirib: “Milli seçimlərin ilk turundan iştirak etmişəm və özümü necə lazımdır göstərmişəm. Artıq mənim seçilməyim və Azərbaycan təmsilçiliyinin mənə həvalə olunması ilə bağlı danışılanlar tamamilə yanlışdır. Burada belə bir şeydən söhbət gedə bilməz. Bu Azərbaycanın beynəlxalq bir müsabiqədə təmsilçiliyidir. Bu müsabiqədə iştirakı tam seçilməmiş bir təmsilçiyə necə həvalə edə bilərlər? Bu məqamda kiminsə arxası olması keçmir. Belə bir şey mümkün deyil. Bilmirəm bu cür şayiələri kim yayır”.