Şou-biznes

Ana səhifə

Şou-biznes

Müğənni Ruhi brilyant mağazası açıb – FOTOSESSIYA

Müğənni Ruhi brilyant mağazası açıb – <font color=red>FOTOSESSIYA </font>

29 yanvar 2010 08:53 (UTC +04:00)

Bakı. Ülkər Qasımova – APA. Müğənni Ruhi Bakının mərkəzində brilyant mağazası açıb. APA-nın əməkdaşı Ruhinin rəhbərlik etdiyi, bahalı zinət əşyalarının satışa çıxarıldığı mağazadan reportaj hazırlayıb. “Sahil” metrosunun yaxınlığında yerləşən “Emerald” (“Zümrüd”) zinət əşyaları mağazası bir aya yaxındır istifadəyə verilib.
Mağazanın rəhbəri, artıq şou-bizneslə vidalaşdığını və iş qadını olduğunu deyən Ruhi APA-ya açıqlamasında bildirib ki, mağazada yalnız eksklüziv mallara üstünlük verir: “Bütün zinət əşyaları İtaliyada hazırlanıb və zinət əşyaları öz dizaynerimiz tərəfindən hazırlanır. Növbəti partiyada gələcək zinət əşyalarımızda artıq bizim öz loqomuz olacaq. Bu loqo da İtaliyada düzəlir, eksklüziv olan mallarımızın üzərinə vurulacaq”.
Ruhi onu da deyib ki, mağazada satışa çıxarılan zinət əşyalarının qiymətlərində bütün təbəqələr nəzərə alınıb və mağazada həm bahalı, həm də ucuz zinət əşyaları var: “Düşündük ki, bu mağazanın müştərisi nə hədiyyə seçməkdə, nə də özünə zinət əşyası almağa çətinlik çəkməməlidir”.

Mağaza rəhbəri “Emerald”da 150 min manatdan 800 manata qədər zinət əşyalarının satışa çıxarıldığını açıqlayıb. Ruhi hazırda öz adını verəcəyi zinət əşyasının eskizinin üzərində işlədiyini də deyib.

Ruhi müasir formada hazırlanan mağazanı brendə çevirmək istədiyini söyləyib. O gələcəkdə mağazanın respublikanın regionlarında və xarici ölkələrdə filiallarını açılması barədə düşündüyünü də deyib. Ruhi ifaçılıq sənətini biznesə deyil, öz ailəsinə qurban verdiyini də açıqlayıb: “Mən ailəmi çox sevirəm və onlara çox hörmətlə yanaşıram. Ailə mənim üçün həyatda hər şeydən dəyərlidirlər. Düşündüm ki, öz sanballılığımı saxlamaq üçün, öz dəyərimi bilmək üçün artıq vidalaşmaq lazımdır. İstər-istəməz dedi-qodular davam edir, ancaq mən onlara cavab vermirəm, çünki cavab versəm, onların səviyyəsinə düşəcəyəm. Ona görə də qərara gəldim ki, Ruhi bu sənətdən getsə, daha yaxşı olar. Mən sənətə professional kimi, hansısa adı qazanmaq üçün deyil, öz zövqüm və içimdəki hissləri açmaq üçün gəlmişdim”.

Ruhi onu da deyib ki, hələ ki, sənət dostlarından heç kim onun mağazasına gəlməyib.