Şou-biznes

Ana səhifə

Şou-biznes

Aleksandr Rıbak: “Eurovision” müsabiqəsində qalib olmaq istəyən təmsilçi mütləq və mütləq özünə güvənməlidir” - FOTOSESSİYA

Aleksandr Rıbak: “Eurovision” müsabiqəsində qalib olmaq istəyən təmsilçi mütləq və mütləq özünə güvənməlidir” - <font color=red>FOTOSESSİYA</font>

02 fevral 2010 22:27 (UTC +04:00)

“Azərbaycan xalqına məni bu günə kimi də dəstəklədiyinə görə təşəkkür edirəm”

Bakı. Ülkər Qasımova – APA. “Eurovision” müsabiqəsində qalib olmaq mütləq və mütləq təmsilçi özünə güvənməlidir. Gərək hər bir ölkə təmsilçisi qız və ya oğlan olmasından asılı olmayaraq iştirakının tam məğzini anlasın. İştirakının məğzini anlayan iştirakçı hər zaman uğur qazanır. Əgər təmsilçi müğənni müsabiqədən əvvəl bunu özü üçün aydınlaşdırsa qələbəyə daha yaxın olacaq, əgər bunu müsabiqə ərəfəsində anlasa sonu yaxşı olmayacaq”. APA-nın məlumatına görə, bu sözləri Bakıda səfərdə olan “Eurovision-2009” müsabiqəsinin qalibi Aleksandr Rıbak yerli media mənsublarına verdiyi açıqlamasında deyib. Qalib həmçinin onun özünə və ölkəsinə qələbə gətirən “Fairytale” (“Nağıl”) mahnısından da danışıb. O, həyatında hər zaman nağıllara inandığını vurğulayıb: “Mənim həyatımın nağılı dünyaya gəldiyim gün başlayıb. Əslində nağıla inanaraq yaşamaq çox gözəl haldır və bu insana güc verir”. Azərbaycan xalqından aldığı müsbət enerjidən də söz açan Aleksandr Rıbak, ölkəmizin onun özünün və komandasının çox xoşuna gəldiyini açıqlayıb: “Azərbaycan xalqından müsbət enerji aldım. Emosional olsanız da çox dözümlüsünüz və bu halınız məni çox sakitləşdirir və rahatlıq gətirir. Burada həm artistlər, həm də tamaşaçılar insana çox gözəl ab-hava bəxş edirlər. Əgər Azərbaycan “Eurovision-2009” müsabiqəsindəki təmsilçiləri və komandası kimi özlərini aparsalar biz sizləri çox sevəcəyik”. Azərbaycan xalqının onu hər zaman dəstəklədiyini də vurğulayan qalib, bu günə kimi də xalqımızdan çoxsaylı məktublar aldığını bildirib: “Azərbaycan xalqına məni bu günə kimi də dəstəklədiyinə görə təşəkkür edirəm. Bu mənim Azərbaycana ilk gəlişimdir, ancaq buna baxmayaraq mən bu ölkənin dəstəyini hər zaman hiss etmişəm. Bu gün də mənə məşhur facebook internet saytında azərbaycanlılardan çox dəstək məktubları gəlir və bu da məni çox sevindirir”.

Müsabiqə qalibi “Eurovision”da iştirakından və qələbəsindən sonra həyatında çox şeylərin dəyişdiyini dilə gətirib. A.Rıbakın sözünə görə, qalibiyyətdən sonra həyatındakı ən böyük dəyişiklik istirahət etməyə vaxtının olmamasıdır: “Qalibiyyətdən sonra istirahətə vaxt tapa bilmirəm. Bütün günü işləyirəm və daimi olaraq səfərlərdəyəm. Müsabiqədə iştiraka qədər maraqlı oyunlar oynayardım, ancaq indi heç buna da zamanım yoxdur”.

A.Rıbak mayda Osloda keçiriləcək 55-ci “Eurovision” müsabiqəsinə ciddi hazırlıq işləri aparıldığını da deyib: “Norveç kasıb olmasa da, kiçik ölkədir. Ancaq “Eurovision-2010” müsabiqəsinin layiqli və yüksək səviyyədə həyata keçirilməsi üçün bütün səylərimizi səfərbər etmişik. Mən “Eurovision” müsabiqəsi üçün darıxacağam, həmin o hisslər və qalib olmaq arzusu çox gözəl duyğulardır”.

Yerli media mənsublarına müsabiqədən sonrakı yaradıcılığı barədə də məlumat verən A.Rıbak, hazırda yeni komanda ilə işlədiyini deyib: “Bu komandada üç qız, mən və bir oğlan ifaçısı təmsil olunub. Mən bu komandada eyni zamanda skripka da çalıram. Mənim üçün onların çox da professional olmaları önəmli deyil, əsas odur ki, onlar mənim kimi düşünür və maarqlı şeylər yaratmağa həvəslidirlər”.