Şou-biznes

Ana səhifə

Şou-biznes

Almaniyada yaşayan müğənni Elli Miçiyeva Azərbaycan şou-biznesinə qatılır – FOTO

Almaniyada yaşayan müğənni Elli Miçiyeva Azərbaycan şou-biznesinə qatılır – <font color=red>FOTO</font>

11 fevral 2010 09:26 (UTC +04:00)

Bakı. Ülkər Qasımova – APA. “Eurovision-2010” müsabiqəsində Azərbaycanı təmsil etmək üçün Almaniyadan milli seçimlərə qatılan, ancaq finala keçə bilməyən Elli Miçiyeva dünən Almaniyaya qayıdıb. Almaniyaya getməmişdən əvvəl APA-ya açıqlama verən Elli Miçiyeva bildirib ki, o Azərbaycanı birdəfəlik tərk etmir: “Almaniyaya getməyimin səbəbi yeni albomumu hazırlamaq məqsədi daşıyır. Mən prodüser İsa Məlikovla işbirliyimi davam etdirirəm və bu uzunmüddətli olacaq. Çünki artıq İsa Məlikovla müqaviləmiz var. Bir aydan sonra isə yenidən Bakıya gələcəm. Mən Azərbaycana gələcəyim günü artıq səbirsizliklə gözləyirəm”.
E. Miçiyeva Azərbaycan şou-biznesinə qatılacağını da bildirib: “Azərbaycan mənim Vətənimdir və burada yaşamaq niyyətindəyəm. Azərbaycanda olduğum müddətdə həyatımın çox xoşbəxt günlərini yaşadım və bu günləri həyatımda daha çox etmək istəyirəm. Hər adımda azərbaycanlı olduğumu deyirəm və bununla fəxr edirəm. Bundan sonra da məni artıq Azərbaycan şou-biznesində görəcəksiniz. Vaxtaşırı Almaniyaya gedib-gələcəyəm, ancaq əsas yaşayış yerim Azərbaycan olacaq”.
Elli bundan sonra beynəlxalq müsabiqələrdə iştirakı zamanı ancaq Azərbaycanı təmsil edəcəyini də açıqlayıb: “Artıq beynəlxalq müsabiqələrlə bağlı bir çox təkliflər almışam. Hazırda isə bu təklifləri dəyərləndirirəm. Hər hansısa beynəlxalq təmsilçiliyim ancaq Azərbaycanla bağlı ola bilər”.

Azərbaycanı “Eurovision-2010” müsabiqəsində təmsil etmək üçün milli seçimlərə qatılan və milli yarımfinala kimi gəlib çıxan Elli, Azərbaycan təmsilçisini dəstəkləmək üçün Osloya da gedəcəyini deyib: “Mənim yarımfinala, son altılığa düşməyim belə mənim üçün gözəl hadisə idi. Ancaq finala keçməməyim və Azərbaycanı bu müsabiqədə təmsil edə bilməyəcəyim mənim qarşıma Osloya getməmək kimi bir sədd çəkmir. Əksinə mən Osloya gedib Azərbaycan təmsilçisinə bacardığım qədər dəstək olacağam”.