Şou-biznes

Ana səhifə

Şou-biznes

Rusiyalı müğənni Lolita Azərbaycandakı konserti zamanı striptiz və erotik rəqslər nümayiş etdirib – FOTOSESSİYA

Rusiyalı müğənni Lolita Azərbaycandakı konserti zamanı striptiz və erotik rəqslər nümayiş etdirib – <font color=red>FOTOSESSİYA</font>

16 fevral 2010 22:47 (UTC +04:00)

Bakı. Ülkər Qasımova - APA. Fevralın 16-da Heydər Əliyev Sarayında əslən ukraynalı, lakin özünü Rusiya şou-biznesində təsdiq etmiş Lolita Milyavskayanın konserti keçirilib. APA-nın məlumatına görə, 15 dəqiqə gecikməklə başlayan konsertdə tamaşaçılara müğənninin yeni video-klipi təqdim olunub. Qara qısa səhnə geyimində tamaşaçıları salamlayan sənətçi, hamını müharibəyə yox deməyə səsləyib.

Lolita oxuya-oxuya tamaşaçılarla ünsiyyət qurmağa çalışıb. 15 illik səhnə fəaliyyəti dövründə bir çox mahnılar ifa edən müğənni, məşhur “Tu-tu-tu, na-na-na” mahnısını zalla birgə oxuyub. Monitorda isə Azərbaycan mentalitetinə zidd kadrların yer almasından özünü sığortalayan müğənni zaldakı valideynlərə müraciət edib: “Çox sağ olun ki, yetkinlik yaşına çatmamış uşaqlarınızı Rusiya şou-biznesinin sonuncu bakirəsinin konsertinə gətirmisiniz. Onlar məndən çox şey öyrənəcəklər və uzun müddət bunu unutmayacaqlar”.

Tamaşaçılarla isti münasibətə girən müğənni, bu yaxınlarda Ukraynada keçirilmiş prezident seçkilərini də diqqətdən kənarda qoymayıb. Ukraynalıların çoxlu spirtli içki qəbul etmələrindən gileylənən Lolita, saçlarını kəsdirməsinin səbəbini Yuliya Timoşenkonun prezident seçilməməsi ilə əlaqələndirib. Ukraynadakı qastrol turu boyu topladığı “arağı” Bakı səhnəsinə gətirən sənətçi, şüşədəki içkini özünün və ilk sıralarda əyləşən tamaşaçıların üzərinə töküb. Maraqlı məqamlardan biri də Lolitanın səhnəyə məşhur caz ifaçısı Billi Holidayın valını çıxarması olub. Sənətçinin bu addımı isə təsadüfi deyildi, çünki Lolita sözügedən caz ifaçısının 1956-cı ildə lentə aldırdığı fonoqramla mahnı ifa etməsi idi. Canlı ifanın tərəfdarı olan sənətçi, Heydər Əliyev Sarayında keçirilən bütün konsertlərin canlı olmasını alqışlayıb və sonuncu Bakı konsertində yeganə minus altında ifa etdiyi mahnının caz əsərinin sözlərini özünəməxsus tərcümə edib.

Dörd dəfə ailə quran müğənni, dəfələrlə 46 yaşında olduğunu dilə gətirib. Zaldakı güclü cinsin nümayəndələri ilə zarafatı isə ürəkaçan olmayıb, çünki heç bir Azərbaycan kişisi Lolitanın şərtləri ilə razılaşmayıb. Hər zamankı kimi Bakı səhnəsində də sərbəst görünən rusiyalı sənətçi, yalnız bir kompleksinin olduğunu etiraf edib. O indiyədək Rusiya prezidentinin qəbulunda olmadığını özünə bağışlaya bilmədiyini deyib. Rusiya Dövlət Dumasının ictimai yerlərdə siqaret çəkməməklə bağlı çıxardığı qərarla da razılaşmayan Lolita, deputatları özünəməxsus şəkildə tənqid atəşinə tutub, səhnədə siqaret çəkib.

Musiqiçilərini də xüsusi diqqət ayıran rusiyalı qonaq onları qeyri-adi tərzdə təqdim edib. Hətta musiqiçilərdən biri bu yaxınlarda yubileyini qeyd edən xalq artisti Polad Bülbüloğlunun mahnısını da gözübağlı ifa edib. Konsertin ən dəhşətli və gözlənilməz məqamı isə müğənninin səhnədə diz çöküb, zaldakıların yerinə Allaha dua etməsi olub. Öz dualarında Lolita zaldakı qadınlara onları hər zaman sevəcək və xəyanət etməyəcək həyat yoldaşları, kişilərə isə stabil və çox gəlirli iş, özünə isə Bakıdakı neft buruqlarından birini arzulayıb. Proqramı başa vurmasına baxmayaraq tamaşaçılar müğənnini səhnədən getməyə qoymayıblar.

Gurultulu alqışlar altında iki dəfə səhnəyə qayıdan Lolita zaldakı tamaşaçıları şoka salıb. Rəqqasların köməyi ilə ilk dəfə Heydər Əliyev Sarayının sənəsində gözlənilməz hal yaşanıb. Müğənni səhnədə geyimini soyunub. Konsert boyu müğənninin rəqsləri də Azərbaycan səhnəsində rezonans doğurub. Lolitanın rəqqasları ilə birgə həddindən artıq erotik rəqsləri tamaşaçılar tərəfindən də birmənalı qarşılanmayıb. Lolitanın etikadan kənar hərəkətlərinə baxmayaraq Azərbaycan tamaşaçısının konsert salonunu tərk etməməsi maraqla qarşılanıb. Sonradan isə onu izləməyə gələn tamaşaçıların əksəriyyətinin rus və əcnəbi olduğu da ortaya çıxıb. Biletlərin baha olmasına baxmayaraq anşlaqla baş tutan konsertini müğənni Alla Puqaçovanın repertuarından “Ne delayte mne bolno, qospoda” və “Vladimirskiy sentral” mahnıları ilə başa vurub. Müğənnini razılığı onun üzündən oxunurdu. Çox güman ki, Lolita hələ uzun müddət bu qədər sadiq tamaşaçı görməyəcək.