Şou-biznes

Ana səhifə

Şou-biznes

“Buta Palace”də məşhur dizayner Patrik Helmanın 2010-2011-ci il yeni payız-qış kolleksiyası nümayişi olunub ®

17 fevral 2010 13:55 (UTC +04:00)

Bakı-APA. “Buta Palace”də məşhur dizayner Patrik Helmanın 2010-2011-ci il yeni payız-qış kolleksiyasının nümayişi olub. Məşhur dizayner Patrik Helmanın kolleksiyası böyük heyranlıq doğurub və bu səbəbsiz deyil. Təmtəraq və zəriflik, qara, ağ və boz haşiyəyə bürünmüş sərt klassik siluetlər. Şərflər və incə paltolar fonunda üslublu kişi kostyumlarını qadın kostyumları əvəzləyir, bu kostyumları alarkən “businesswoman”lər klassik, yaxud tarım çəkilmiş şalvarlarla ultraqısa yubka və şortlar arasında seçim edə bilərlər. Nümayişdə plaşlar, palto və ona uyğun seçilmiş kepkalar təqdim olunub. Kişilər üçün üzərində casual üslubunda Azərbaycan simvolları ilə olan kostyum və gödəkcələr nümayiş olunub. Şimal ruhu, ciddiyyət, zəriflik aktiv iş adamlarının zövqünü oxşayacaq.

Kolleksiya nümayişini kutyuryenin böyük qardaşı və tərəfdaşı Frederik Helman təqdim edib. Nümayişdən bir gün əvvəl butikdə yeni kolleksiyanın eksklüziv təqdimatı keçirilib. Təqdimat zamanı Frederik PATRICK HELLMANN COLLECTION firma butikindən individual kostyum sifariş etmək istəyənlərin ölçülərini şəxsən götürüb. Görək Patrik Helman özü bu haqda nə deyir: “İtaliyada əl işi fəlsəfəsi hər şeydən yaxşı inkişaf edib. Əllə tikilən kostyuma müştərinin bədəninin formasını vermək mümkündür. Biz ölçüləri götürür, daha sonra ölçüləri kostyumu hazırlamaq üçün Neapola göndəririk. Tikiş prosesi parçadan və müştərinin bədən ölçülərinin xüsusiyyətindən asılı olaraq 4-8 həftə çəkə bilər. Kostyum əllə tikişə asanlıqla ram olur. Onlar fiqurun fərdi xüsusiyyətlərinə uyğunlaşır, bədənə “oturur” və müqayisə olunmaz dərəcədə komfort hissi yaradır. Siz kostyum geyinmiş olsanız da, elə hiss yaranır ki, bu sanki toxunma yun köynəkdir. İkinci üstünlük – davamlılıqdır. Əllə aparılan tikişlər maşın tikişindən daha möhkəm olur.
Patrick Hellman şirkəti dünyanın məşhur klassik kişi kostyumları istehsalçıları sırasında bir növ fenomendir – kifayət qədər gənc şirkət olsa da, müasir dövrümüzün tanınmış simalarından təşkil olunan müştəri siyahısı ilə öyünə bilər. Şirkət bu sahədəki ən bahalı sektorda – fərdi tikiş sahəsində liderlik mövqelərini inamla qoruyur.