Şou-biznes

Ana səhifə

Şou-biznes

Bakıda ilk dəfə parti formasında “The Da Vinci Code” oyunu keçirilib – FOTOSESSİYA

Bakıda ilk dəfə parti formasında “The Da Vinci Code” oyunu keçirilib – <font color=red>FOTOSESSİYA </font>

01 mart 2010 12:40 (UTC +04:00)

Bakı. Ülkər Qasımova – APA. Fevralın 27-28-də Azərbaycanda ilk dəfə parti üslubunda “The Da Vinci Code” intellektual oyunu keçirilib. APA-nın məlumatına görə, “Flame Production”un rəhbəri Rüfət Hüseynovun təşkilatçılığı ilə keçirilən layihə “Platinum klub”da gerçəkləşib.

İki günlük layihədə müxtəlif universitetlərin tələbələri iştirak edib. Proqram çərçivəsində “The Da Vinci Code” oyunu keçirilib. Tədbirin aparıcıları Rüfət Hüseynov və Şahin Seyidzadə bildiriblər ki, ilk dəfə bu oyun “Vətəndaş Cəmiyyətində Debat” İctimai Birliyi tərəfindən yay düşərgəsində təşkil edilib: “Parti üslubunda isə bu oyunu ilk dəfə biz keçirmək qərarına gəldik. İstəyimiz fəal və intellektual gəncləri üzə çıxarmaqdır. Eyni zamanda bu oyunla əylənərək öyrətmək məqsədi daşıyırıq. Bu oyun daha çox “Nə? Harada? Necə?”, “Breyn-rinq” və bu kimi digər oyunları sevən intellektual gənclər üçün daha maraqlıdır”.

“The Da Vinci Code” oyununda 9 komanda yarışıb. Qaliblərə layihənin sponsoru “DNS Computers”dən və “AdZone Advertising Agency”dən eksklüziv hədiyyələr təqdim olunub. Oyundan sonra isə gənclər üçün hit mahnılardan ibarət diskoteka təşkil edilib.

Təşkilatçı Rüfət Hüseynov qeyd edib ki, “Flame Production” 8 mart - Beynəlxalq Qadınlar Günü münasibətilə də sürprizlərlə dolu parti keçirməyi planlaşdırır.

Qeyd edək ki, “The Da Vinci Code” adı altında gerçəkləşəcək layihənin informasiya dəstəyi APA İnformasiya Agentliyinə və “Vesti.az” xəbər portalına məxsusdur.