Şou-biznes

Ana səhifə

Şou-biznes

Azərbaycanı “Eurovision-2010” mahnı müsabiqəsində Səfurə Əlizadə təmsil edəcək - FOTOSESSİYA

Azərbaycanı “Eurovision-2010” mahnı müsabiqəsində Səfurə Əlizadə təmsil edəcək - <font color=red>FOTOSESSİYA</font>

02 mart 2010 19:08 (UTC +04:00)

APA-nın məlumatına görə, təmsilçimizin adı “Eurovision” müsabiqəsi üzrə Azərbaycanın nümayəndə heyətinin rəhbəri Adil Kərimli tərəfindən açıqlanıb. Təmsilçini təyin etmək üçün münsiflər heyəti 30 dəqiqəyə yaxın fikir mübadiləsi aparıblar.

Azərbaycanın builki müsabiqə təmsilçisi bu gün “Buta Palace”da keçirilən milli finalda müəyyənləşib. Final mərhələsinə vəsiqə qazanan Səfurə Əlizadə, Məryəm Şabanova və “Milk&Kisses” qrupu 55-ci “Eurovision” müsabiqəsində Azərbaycanı təmsil etmək uğrunda mübarizə aparıblar.

APA-nın məlumatına görə, “Eurovision-2010” müsabiqəsində Azərbaycan təmsilçisinin seçilməsi üçün milli final konserti parti formasıdna, yəni tamaşaçıların ayaqüstü iştirakı ilə baş tutub. Bununla belə, bəzi qonaqlar üçün VİP oturacaq yerləri təşkil olunub.

Deyildiyi vaxtdan 25 dəqiqə gec başlayan milli final konsertinə Azərbaycanın xalq mahnısı “Sarı gəlin”in sədaları ilə start verilib. Elə həmin ifaçılar tərəfindən “Eurovision-2009” müsabiqəsində qalibiyyət qazanan “Fairytale” mahnısının sintez forması səslənib və bu mahnının müşayiəti ilə maraqlı rəqslər ifa olunub. Milli finalın aparıcılıq missiyasını yarımfinaldakı kimi İlham Qasımov və Hüsniyyə Məhərrəmova həyata keçirib.

Səhnəyə əvvəlcə qonaq qismində final konsertində iştirak etmək üçün xüsusi dəvət olunmuş Rusiyanın “Fabrika zvezd” layihəsindən tanınan Dakota cağırılıb. Müğənni repertuarındakı hit mahnıları ifa edib. Sənətçi Azərbaycanın ən yaxşı olduğunu da vurğulayıb və Azərbaycan təmsilçisini sona kimi dəstəkləyəcəyini qeyd edib.

Səfurə Əlizadə məhz Azərbaycanın “Eurovision-2010” təmsilçisinin ifa etməsi üçün əcnəbi bəstəkarlar tərəfindən təqdim olunmuş “Drip Drop” və “Under my Skin” və “Soulless” mahnılarını ifa edib. Təmsilçiliyə iddialı namizəd hər iki mahnını xüsusi hazırlanmış qara və qısa geyimdə, eləcə də xüsusi şou ilə təqdim edib. Namizədin təqdim etdiyi üçüncü mahnı isə öz repertuarından olub.

“Milk&Kisses” qrupu məhz təmsilçimiz üçün yazılmış beş yeni mahnıdan üçünü - “Drip, Drop”, “Under My Skin” və “Cancelled” ifa edib. Qrup üzvlərinin ifaları zaldakı tamaşaçıların və “Eurovision” müsabiqəsinin Azərbaycan üzrə rəsmi fan-klubu olan “OGAE Azerbaijan”ın daha çox alqışları ilə qarşılanıb. Qrup üzvləri Dilarə Kazımova və Fəridə Nelson hər bir mahnıda möhtəşəm şou nümayiş etdiriblər.

Təmsilçiliyə iddialı olan üçüncü namizəd Məryəm Şabanova “Under my skin”, “Drip drop” və “Soulless” mahnılarını tamaşaçılar və münsiflər heyəti qarşısında oxuyub. Bu namizəd də xüsusi geyim və şou ilə mahnıları təqdim edib.

Onu da vurğulamaq yerinə düşər ki, əcnəbi bəstəkarlar tərəfindən təqdim olunan mahnılarda Azərbaycanın milli koloritindən əsər-əlamət yoxdur.

Namizədlərin ifalarından sonra final konsertini izləyən 6 münsif qərar qəbul etmək üçün zalı tərk edib. Səhnəyə final konsertinin xüsusi qonağı, Gürcüstanı “Eurovision-2010” müsabiqəsində təmsil edən Sofo Niajardze dəvət olunub. O, Osloda 55-ci “Eurovision” müsabiqəsində ifa edəcəyi “Shine” mahnısını Azərbaycan tamaşaçıları qarşısında ifa edib. Sofo Nijaradzenin Bakı səhnəsindəki çıxışı alqışlarla qarşılanıb.

Daha sonra isə milli final konsertində “Eurovision-2009” yarışmasında Azərbaycanı təmsil edən AySel Teymurzadə “Fallin” mahnısının Azərbaycan versiyasını ifa edib.

Təmsilçimiz və ifa edəcəyi mahnı milli münsiflər heyətinin üzvləri İTV-nin baş direktoru İsmayıl Ömərov, Üzeyir Hacıbəyli adına Bakı Musiqi Akademiyasının rektoru Fərhad Bədəlbəyli, Azərbaycan Dövlət Filarmoniyasının direktoru Murad Adıgözəlzadə, Beynəlxalq Musiqi Şurasının Azərbaycan Milli Musiqi Komitəsinin prezidenti Lalə Kazımova, dirijor Azad Əliyev, Mədəniyyət və Turizm Nazirliyinin nümayəndəsi Mənzər Nurəliyeva, Gənclər və İdman Nazirliyinin nümayəndəsi Fərhad Hacıyev tərəfindən seçilib. Münsiflər heyətinin üzvü Fərhad Bədəlbəyli seçimdə iştirak etməsə də, öz səsini canlı bağlantı vasitəsi ilə verib.

Tədbiri Azərbaycan İctimai Televiziya və Radio Yayımları Şirkəti, həmçinin Türkiyənin TRT və Gürcüstanın İctimai Televiziyası canlı yayımlayıb. Milli final konsertini izləmək üçün Gürcüstanın İctimai Televiziyasının baş direktoru Gia Cantirya də Bakıya gəlib.