Şou-biznes

Ana səhifə

Şou-biznes

Moldova, Xorvatiya, Rumıniya, Portuqaliya və Belçika “Eurovision-2010” təmsilçilərini müəyyənləşdiriblər - FOTO

Moldova, Xorvatiya, Rumıniya, Portuqaliya və Belçika “Eurovision-2010” təmsilçilərini müəyyənləşdiriblər - <font color=red>FOTO</font>

10 mart 2010 16:16 (UTC +04:00)

Bakı. Ülkər Qasımova – APA. Bu ilin mayında Norveçin paytaxtı Osloda keçiriləcək “Eurovision-2010” mahnı müsabiqəsinə qatılacaq daha beş iştirakçı ölkə öz təmsilçisini müəyyələnləşdirib. APA-nın müsabiqənin rəsmi internet saytına istinadən yaydığı xəbərə görə, Moldova, Xorvatiya, Rımıniya, Portuqaliya və Belçika həm müsabiqə təmsilçilərini, həm də mahnılarını artıq seçiblər.

Moldovanı 55-ci “Eurovision” müsabiqəsində “Sun Stroke Project” və Olia Tira təmsil edəcək. Təmsilçi milli finala vəsiqə qazanan 14 finalçı arasından seçilib. Bu il müsabiqədə ölkələrini təmsil etmək şansı qazanan həm “Sun Stroke Project”, həm də Oila Tira 2009-cu ildə də bu müsabiqədə iştirak etmək istəyində olublar. Lakin ötən ilki seçimlərdə Moldovanı təmsil etmək iddiasında olan builki təmsilçilər qalib ola bilməyiblər. Bu il onlar “Eurovision-2010” müsabiqəsində “Run Away” mahnısı ilə çıxış edəcəklər.

Xorvatiyanı “Eurovision-2010” mahnı müsabiqəsində “Feminnem” qızlar qrupu “Lako Je Sve” mahnısı ilə təmsil edəcək. Təmsilçilər 15 namizəd arasından seçiliblər. Bu qrup həm münsiflər heyətinin, həm də tamaşaçı səsverməsi ilə birincilik qazanıblar. Xorvatiya təmsilçiləri mayın 27-də keçiriləcək II yarımfinalda çıxış edəcəklər.

Rumıniyanı builki “Eurovision” müsabiqəsində təmsilçiliyini Paula Seling və Ovi “Playing with fire” mahnısı ilə həyata keçirəcək. Sözügedən təmsilçilər və mahnı 16 namizəd arasından maksimum xal toplayıblar. Rumıniya mayın 27-də keçiriləcək II yarımfinalda çıxış edəcək.

Portuqaliyanın “Eurovision-2010” mahnı müsabiqəsindəki təmsilçisi Filipa Azevedodur. Təmsilçi müsabiqədə “Ha Dias Assim!” mahnısını təqdim edəcək. 12 namizəd arasından seçilən Portuqaliya təmsilçisi münsiflər heyətinin və tamaşa səsverməsi nəticəsində müəyyənləşib. Bu mahnı mayın 25-də keçiriləcək I yarımfinalda səslənəcək.

Belçikanın “Eurovision-2010” müsabiqəsində təmsilçisi Tom Dicedır. O, Osloda “Telenor Arena”da “Me And My Guitar”mahnısı ilə çıxış edəcək. Təmsilçi 1989-cu il təvəllülüdür. Tom Dice vaxtilə “The Dice” qrupunda oxuyub və sonradan qrupu tərk edərək solo karyeraya başlayıb. Elə təmsilçinin Dice təxəllüsü də qrupdakı çıxışından qalıb. Onun ən məşhur albomu “Bleeding Love” adlanır. Belçika təmsilçisi mayın 25-də keçiriləcək I yarımfinalda çıxış edəcək.