Şou-biznes

Ana səhifə

Şou-biznes

Özcan Dəniz: “Siyasət heç zaman Azərbaycanla Türkiyənin arasına girə bilməz” - FOTOSESSİYA

Özcan Dəniz: “Siyasət heç zaman Azərbaycanla Türkiyənin arasına girə bilməz” - <font color=red>FOTOSESSİYA</font>

14 mart 2010 22:04 (UTC +04:00)

Sənətçi ilk çıxışdan sonra Azərbaycan tamaşaçılarını salamlayıb: “Yenidən sizlərin qarşısında çıxış etməkdən böyük zövq alıram. Baxmayarq ki, bu mənim burada ilk konsertim deyil, ancaq hər çıxışım zamanı çox böyük həyəcan hiss keçirirəm. Bu da sizlərə duyduğum böyük məhəbbətdən irəli gəlir. Bilirəm ki, bu istək qarşılıqlıdır. Tam səmimi olaraq deyirəm ki, mən və mənim Türkiyədəki bütün həmkarlarım sizləri ayrı bir ölkənin vətəndaşları kimi yox, öz doğmalarımız kimi görürük. Azərbaycan bizim Vətənimiz kimidir. Biz bu torpağı da ayırmırıq”.

Daha sonra müğənni repertuarında olan köhnə və yeni mahnıları yerli tamaşaçılara ərməğan edib. Özcan Dəniz “Yalanmı”, “İllallah”, “Sevginin rəngi”, “Dön desəm”, “Beni affet”, “Bir ümid”, “Ah o gözlərin” və digər sevilən mahnılarını ifa edib. Bir çox mahnıları sənətçi zaldakı tamaşaçıları ilə birgə oxuyub. Özcan Dəniz səhnədə mahnı ifa etməkdən əlavə,iki qardaş ölkə - Azərbaycanla Türkiyə arasında baş verənlərə siyasi münasibət də bildirib: “Hazırda siyasi vəziyyətdə bəzi xoşagəlməzliklər olduğunu deyənlər var. Siyasət heç zaman Azərbaycanla Türkiyənin arasına girə bilməz. Baxmayaraq ki, bunu bir çoxları arzulayır. Ancaq biz qardaş ölkələrik və bu mümkünsüz bir şeydir. Onların istəkləri ürəyində qalacaq”.

İki saata yaxın davam edən konsert proqramında sənətçi bütün mahnıları canlı orkestrin müşayiəti ilə ifa edib.

Onu da vurğulamaq yerinə düşər ki, Özcan Dənizin konsertinə gül dəstələri ilə gələn tamaşaçılar xeyli çətinliklərlə üzləşiblər. Onların sevdikləri sənətçiyə gül dəstələri təqdim etmək istəkləri çox hallarda baş tutmayıb. Ancaq sənətçi dəfələrlə tamaşaçıların istəyini şəxsən özü yerinə yetirib. O, mühafizəçilərə ona hədiyyə və gül dətsələri vermək istəyində olan tamaşaçılara maneəçilik törətməməyi göstəriş verib. Bu məqamda qeyd edək ki, Özcan Dənizə bu konsertdə Azərbaycan tamaşaçıları tərəfindən yumşaq oyuncaqlar, portreti, gül dəstələri, eləcə də məktublar verilib. Sənətçi yaxın zamanlarda yenidən Bakı səhnəsində çıxış etmək arzusunu dilə gətirib.

Qeyd edək ki, Özcan Dənizin Bakı konserti “Goliaf Production”un təşkilatçılığı ilə baş tutub. Sənətçi martın 15-də səhər saatlarında Türkiyəyə qayıdacaq.