Şou-biznes

Ana səhifə

Şou-biznes

Azərbaycanı “Eurovision-2010” müsabiqəsində təmsil edəcək Səfurə Əlizadənin yeni veb-saytı yaradılıb – FOTOSESSİYA

Azərbaycanı “Eurovision-2010” müsabiqəsində təmsil edəcək Səfurə Əlizadənin yeni veb-saytı yaradılıb – <font color=red>FOTOSESSİYA </font>

16 mart 2010 12:36 (UTC +04:00)

Bakı. Ülkər Qasımova-APA. Azərbaycanı “Eurovision-2010” müsabiqəsində təmsil edəcək Səfurə Əlizadənin yeni veb-saytı yaradılıb. APA-nın məlumatına görə, http://safura.eurovisiontalents.com saytında builki təmsilçimiz, eləcə də ümumilikdə “Eurovision” müsabiqəsi ilə bağlı maraqlı məlumatlar yerləşdirilib. Hazırda İsveçdə olan Səfurə Əlizadə ilə bağlı son məlumatları məhz bu saytdan əldə etmək olar. Sözügedən internet səhifəsində təmsilçimizin ən son fotosessiyaları, maraqlı çıxışları, səsyazma studiyalarında mahnı yazılışlarından foto və videolar yerləşdirilib. Saytda Səfurə Əlizadə ona ünvanlanan suallara da maraqlı cavablar verib: “Mənim üçün xoşbəxtlik sevimli kitablarımı oxumaq və sevdiyim roman əsəri əsasında çəkilmiş filmə baxmaqdır. Mən bu kitabları hər zaman oxuya, ona çəkilmiş filmə hər zaman baxa bilirəm. Bax həmin anlarda mən özümü çox xoşbəxt hesab edirəm”.
Bu ilin mayında Azərbaycana qələbə qazandıracağını gətirəcəyini də bildirən S. Əlizadə, “Eurovision” müsabiqəsində ölkəmizi təmsil etməkdən qürur hissi duyduğunu dilə gətirib: “Milli finalda qalib gələn zaman özümü Alisa möcüzələr ölkəsində hiss etdiyi kimi hiss etdim. “Eurovision” müsabiqəsi mənim həyatımda vacib hadisədir. Tək ona görə yox ki, gələcəyimi həll edə bilər. Həm də ona görə ki, mənə inanırlar, bu böyük məsuliyyət və böyük sevincdir. İndi tək Azərbaycanın yox, eyni zamanda bütün Avropanın diqqəti mənə yönəlib. Mənə böyük şans verilib və bundan yaxşı istifadə etmək istəyirəm. “Eurovision” mənim hər zaman arzum və məqsədim olub. Məndən asılı olan hər bir şeyi edəcəyəm ki, ölkəm mənimlə fəxr etsin. Bu yarışmada qalib olmaq istəyirəm və indi məni bundan başqa heç nə maraqlandırmır”.
Saytda eyni zamanda yarışmada Azərbaycan təmsilçisinin ifa etməsi üçün əcnəbi bəstəkarlar tərəfindən təqdim olunan və Səfurə Əlizadənin ifasında İsveçdə lentə alınan mahnıların yeni variantı da yerləşdirilib. Bu saytdan həmin mahnıları da yükləmək və dinləmək mümkündür.

Qeyd edək ki, təqdim etdiyimiz fotosessiyanı da məhz bu saytdan əldə etmişik.