Şou-biznes

Ana səhifə

Şou-biznes

Səfurə Əlizadəni “Telenor Arena” səhnəsində ukraynalı rəqqaslar müşayiət edəcək - EKSKLÜZİV - FOTO

Səfurə Əlizadəni “Telenor Arena” səhnəsində ukraynalı rəqqaslar müşayiət edəcək - <font color=red>EKSKLÜZİV - FOTO </font>

12 may 2010 14:08 (UTC +04:00)

Təmsilçimiz 4 rəqqasın şousu ilə “Drip drop”u ifa edəcək
Bakı. Ülkər Qasımova-APA. Azərbaycanı “Eurovision-2010” mahnı müsabiqəsində təmsil edəcək Səfurə Əlizadə Oslonun “Telenor Arena”sında mayın 27-də keçiriləcək II yarımfinalda səhnəyə ukraynalı rəqqaslarla birgə çıxacaq. Bu barədə APA-ya “Eurovision” müsabiqəsi üzrə Azərbaycanın Təşkilat Komitəsindən məlumat verilib. Yarımfinal konsertində Səfurə Əlizadədədən əlavə səhnədə 4 rəqqas olacaq. Təşkilat komitəsindən bildirib ki, ukraynalı rəqqasların təmsilçimizi rəqsləri ilə müşayiət etməsi Ukraynanın “Euromedia and Luxen Group Companies” şirkəti ilə artıq üç ildir ki davam edən əməkdaşlıq çərçivəsində baş tutacaq.
Ötən ilki kimi bu il də müsabiqənin səsverməsində iştirak etmək istəyən yerli tamaşaçılar 9450 sms nömrəsi altında bəyəndikləri ölkə təmsilçisinin çıxış nömrəsini yazmaqla dəstək ola biləcəklər. Azərbaycanda yaşayan yerli və xarici vətəndaşlar mayın 27-də keçiriləcək II yarımfinalda səsvermə hüququna malik olacaqlar. Mayın 29-da keçiriləcək final konsertində isə “Eurovision-2010” yarışmasının 39 ölkəsinin hər biri səsvermə hüququna malikdir. Bu yarışmada ölkə daxilində yaşayan həmyerlilərimiz Azərbaycana səs göndərmək hüquqları yoxdur. Azərbaycan vətəndaşları digər 16 ölkə təmsilçisinə səs göndərə biləcəklər. Azərbaycan təmsilçisinə səs göndərmək şansından yalnız xaricdə yaşayan həmvətənlərimiz istifadə edə bilər. Səsvermədə hər ölkənin öz kodu ilə iştirak etmək mümkün olacaq. 9450 sms nömrəsi isə ancaq Azərbaycanda yaşayan həmyerlilərimiz üçündür. Bu il mayın 25-i və 27-də keçiriləcək hər iki yarımfinalda, eyni zamanda 29-da keçiriləcək final konsertində səsvermə tamaşaçılarla yanaşı, münsiflər heyətinin iştirakı ilə həyata keçiriləcək. Bu səsvermədə hər ölkənin təyin etdiyi peşəkar münsif heyəti iştirak edə biləcək. Obyektivliyi nəzərə alaraq yerli münsif heyətinin tərkibi hələ açıqlanmır. “Eurovision-2010” yarışmasında tamaşaçı və münsiflərin səs hüququ 50-nin 50-yədir.
Bu yarışmanın səsverməsində iştirak etmək istəyən ölkə əhalisinin nəzərinə çatdıraq ki, 1 SMS-in qiyməti 50 qəpikdir.
Xaricdə yaşayan həmvətənlilərimizin, eyni zamanda Azərbaycan təmsilçisini dəstəkləmək istəyən tamaşaçıların diqqətinə çatdıraq ki, Səfurə Əlizadə II yarımfinalda 7-ci çıxış edəcək. Hər ölkənin öz səsvermə kodu var və bu koda 7 nömrəsi yazıb sms-lə göndərməklə Səfurə Əlizadəni dəstəkləmək mümkün olacaq.