Şou-biznes

Ana səhifə

Şou-biznes

“Eurovision-2010” müsabiqəsində iştirak edəcək 39 ölkə təmsilçisinin “Telenor Arena”da ilk məşqi mayın 16-da keçiriləcək – FOTO

“Eurovision-2010” müsabiqəsində iştirak edəcək 39 ölkə təmsilçisinin “Telenor Arena”da ilk məşqi mayın 16-da keçiriləcək – <font color=red>FOTO </font>

14 may 2010 11:00 (UTC +04:00)

Bakı. Ülkər Qasımova – APA. “Eurovision-2010” müsabiqəsinin keçirilməsinə sayılı günlər qalıb. Bu il bu müsabiqəyə ev sahibliyini ötən il Aleksandr Rıbakın təmsilçiliyi ilə birincilik qazanan Norveç həyata keçirəcək. Norveçin paytaxtı Osloda 17000 tamaşaçı tutumu olan “Telenor Arena” sabahdan, yəni mayın 15-dən artıq iştirakçı ölkələrin üzünə açıq olacaq.

APA-nın müsabiqənin rəsmi internet saytına istinadən yaydığı xəbərə görə, 55-ci “Eurovision” müsabiqəsində təmsil olunacaq 39 ölkə təmsilçisinin ilk məşqi bazar günü keçiriləcək. Müsabiqənin təmsilçiləri artıq mayın 15-də Norveçin paytaxtı Osloya gələcəklər. Təmsilçilərin məşqi mayın 23-dək davam edəcək. Bu il müsabiqəni həyata keçirən Norveçin “NRK” televiziyasının rəsmisi Peter Svaar artıq hazırlıqların başa çatmaq üzrə olduğunu qeyd edib. Onun sözlərinə görə, artıq “Telenor Arena”nın dekorasiyası tamamlanmaq üzrədir. NRK rəsmisinin sözlərinə görə, builki “Erovision”un həm yarımfinalları, həm də final konsertinin yüksək səviyyədə yayımlanması üçün ən son müasir texnologiyalardan istifadə olunub. Hər bir təmsilçinin iki açıq məşqi və jurnalistlərlə iki görüşü olacaq. Mətbuat konfransı zalı 700 nəfərlikdir.

Müsabiqə çərçivəsində ilk dəfə olaraq təmsilçilərin bir neçəsi fanatlarla görüş keçirməyə razılıq verib. Görüşlərdə fanatlar öz favoritləri ilə şəkil çəkdirmək, onlardan avtoqraf almaq şansı qazanacaqlar. “Eurovision-2010” müsabiqəsi işıqlandırmaq üçün çoxsaylı ölkələrdən Osloya səfər edəcək media mənsubları üçün artıq mətbuat mərkəzi tam hazırlanıb. Bu mərkəz 2000-dən artıq jurnalisti və 300-ə yaxın müsabiqənin fanatlarını qəbul etməyə tam hazırdır.

Qeyd edək ki, bu il 55 illik yubileyini qeyd edən “Eurovision” mahnı yarışmasının keçirilməsi ilə bağlı qərar 1955-ci ildə qəbul olunub. İlkin olaraq "Qran-pri Eurovision" adlanan müsabiqə, ilk dəfə 1956-cı ilin mayın 24-də Luqana şəhərində (İsveçrə) keçirilib. İlk müsabiqədə 7 Avropa ölkə iştirak edib. Müsabiqənin ilk qalibi İsveçrə təmsilçisi Liz Assia olub.