Şou-biznes

Ana səhifə

Şou-biznes

NRK televiziyasının rəsmisi Peter Svaar: “Ümid edirik ki, “Eurovision” müsabiqəsinə yaxşı ev sahibliyi edəcəyik” – MÜSAHİBƏ - FOTOSESSİYA

NRK televiziyasının rəsmisi Peter Svaar: “Ümid edirik ki, “Eurovision” müsabiqəsinə yaxşı ev sahibliyi edəcəyik” – <font color=red>MÜSAHİBƏ - FOTOSESSİYA</font>

20 may 2010 14:00 (UTC +04:00)

Oslo. Ülkər Qasımova-APA. “Eurovision-2010” mahnı müsabiqəsinə ev sahibliyi edən Norveçin NRK televiziyasının mətbuat xidmətinin rəhbəri Peter Svaarın APA-nın Norveçə ezam olunmuş əməkdaşına müsahibəsi

- Bu il 55-ci dəfə keçirilən “Eurovision” mahnı müsabiqəsinə ev sahibliyi etmək çətin deyil ki? Bu məsuliyyətin öhdəsindən yetərincə gəldiyinizi hesab edirsinizmi? Ümumiyyətlə müsabiqəyə hazırlıq prosesi neçə müddət davam edib?

- Hazırlıq prosesi tam olaraq bir il davam edib. Ötənilki təmsilçimiz Aleksandr Rıbak qalib gələn günün səhəri biz artıq hazırlıqlara start vermişdik. “Eurovision” müsabiqəsi elə bir yarışmadır ki, burada sənin qarşında vaxt məhdudiyyəti dayanır. Tam olaraq bir il ərzində müsabiqəyə hər baxımdan hazır olmalısan. Hətta Olimpiya oyunlarına 4 il hazırlıq görüldüyü halda bu müsabiqədə hazırlıq üçün cəmi bir il vaxt var. Vaxt məhdudiyyətinə baxmayaraq düşünürük ki, bunu həyata keçirməyə bacarmışıq. Ümidvarıq ki, Avropa bizim səylərimizi və əziyyətimizi yetərincə dəyərləndirəcək.

- Fikrinizcə, müsabiqəyə hazırlıq dövründə qarşınıza qoyduğunuz hər bir məqsədə çatmısnız, yoxsa planlaşdırdığınız qrafikdən hansısa məqamlar vaxt məhdudiyyətindən dolayı alınmayıb?

- Biz NRK olaraq gördüyümüz işdən məmnunuq və bundan dolayı özümüzü xoşbəxt hiss edirik. Düşünmürəm ki, qarşımıza qoyduğumuz hansısa məqsədə çatmamışıq. Biz bütün planlarımızı həyata keçirmişik.

- Deyilənlərə görə, builki müsabiqə texnologiya baxımından “Eurovision” tarixində ən güclüsü olacaq. Sizin istifadə edəcəyiniz texnologiyanın nə kimi üstünlükləri var?

- Bəli, bu doğrudur. Biz indiyə qədər “Eurovision” tarixində istifadə olunmamış qrafik elementlərdən istifadə edəcəyik. Hər iki yarımfinal və finalda bunlardan istifadə üçün lazımi avandanlıqlar artıq “Telenor Arena”da quraşdırılıb. Moskvada keçirilən “Eurovision” müsabiqəsini yaxşı qiymətləndirmək olar. Ancaq istifadə olunan texnoligiya bizim istifadə edəcəyimiz texnoligyadan bir qədər zəif idi. Səhnədə yeniliklərə əl atmaq niyyətindəyik. Bu müsabiqə “ən güclü texnologiya” və ya “kim daha çox pul xərclədi” müsabiqəsi deyil. Burada əsas faktor musiqi istehsalı və yaddaqalan şou həyata keçirməkdir. Əlbəttə ki, “Eurovision” elə bir müsabiqədir ki, bura böyük bir miqdarda pul ayrılır. Müsabiqəyə ev sahibliyi edən hər bir ölkə iştirakçı ölkənin razı qalmasına lazımi qədər pul xərcləmilidir. Bizim qarşımıza qoyduğumuz məqsəd isə ən çox pul xərcləyən ev sahibi kimi yox, ən yaddaqalan şou yaradan ölkə kimi yaddaşlarda qalmaqdır. Fikrimizcə, biz artıq müəyyən dərəcədə buna nail olmuşuq. Burada iştirak edən çoxsaylı ölkə jurnalistlərinin təəssüratları bunu deməyə bizə əsas verir. Mətbuat nümayəndələrinin müsbət təəssüratları da çox önəmlidir.

- Yarışmaya hazırlıq ərəfəsində müsabiqənin iştirakçı ölkələri arasında Norveçə yardım edən olubmu?

- Əlbəttə olub. Əsasən Finlandiya bizə müsabiqənin təşkilində çox dəstək oldu. Demək olar ki, “Eurovision-2010” müsabiqəsinin hazırlığına eyni dərəcədə səy göstərmişik. Həm Finlandiya, həm də Norveç bu müsabiqəyə ötən illərdə də ev sahibliyi edib. Ötən illərdəki ev sahibliyimizdən irəli gələrək biz bu il bir-birimizin təcrübələrindən istifadə etmişik.

- “Eurovision” musiqi müsabiqələri arasında ən bahalı, daha doğrusu çox pul xərclənən yarışmadır. Maraqlıdır, Norveç dövləti 55-ci “Eurovision” müsabiqəsinin indiyə qədər ki, hazırlığına nə qədər pul sərf edib?

- İndiyə qədər hazırlıq prosesinə 25 milyon avro xərclənilib. Bu müsabiqədə hər şey yüksək səviyyədə olamlıdır. Buna “Eurovision”a ev sahibliyi edən hər bir ölkə çalışmalıdır.

- Bu zamana kimi Norveç üç dəfə müsabiqənin qalibi, yəni üç dəfə ev sahibi olub. Artıq üçüncü dəfə bu müsabiqəyə ev sahibliyi etmək yorucudur, yoxsa ötən iki dəfə olduğu kimi xoşdur?

- Belə bir şeyi ağlımıza belə gətirə bilmərik. Heş zaman bezməmişik və bezmərik də. “Eurovision” müsabiqəsinə ev sahibliyi etmək hər zaman qürurludur. Baxmayaraq ki, üçüncü dəfədir bu müsabiqənin təşkili öplkəmizə nəsib olub, ancaq biz bu dəfə də ilk dəfə müsabiqəni təşkil etidiyimiz kimi həyəcanlıyıq. Ötən bazar ilk məşqlər start götürdü. Prosesin necə sürətlə irəlilədiyinin şahidiyik. Biz ümid edirik ki, “Eurvoision” müsabiqəsinə bu dəfə də yaxşı ev sahibliyi edəcəyik.

- Artıq məşqlərdə təmsilçi ölkələrin mahnı və şoularını izləmək imkanı var. Qənaətlərinizə görə. gələn il “Eurovision”a hansı ölkə ev sahibliyi edə bilər?

- Dinləmişəm və artıq favoritim də var. Amma heç bir önəmi yoxdur. Əminəm ki, layiqli mahnı qazanacaq. Əsas Avropa xalqının nə düşündüyüdür.

- Norveç təmsilçisinin yarışmadakı şansını necə dəyərləndirirsiniz?

- Düşünürəm ki, bizim mahnımız kifayət qədər yaxşı mahnıdır və Avropa xalqı ona layiqli yeri qazandıracaq.