Şou-biznes

Ana səhifə

Şou-biznes

İsrailin “Eurovision-2010” müsabiqəsində təmsilçisi Harel Skaat: “Azərbaycan qalib olmağa layiq ölkədir” - MÜSAHİBƏ - FOTOSESSİYA

İsrailin “Eurovision-2010” müsabiqəsində təmsilçisi Harel Skaat: “Azərbaycan qalib olmağa layiq ölkədir” - <font color=red>MÜSAHİBƏ - FOTOSESSİYA</font>

21 may 2010 15:25 (UTC +04:00)

- “Eurovision -2010” müsabiqəsində şansınızı necə qiymətləndirirsiniz?

- İlk öncə ümid edək ki, yarımfinaldan finala keçəcəyəm və finalda da layiqli yer qazanacağam. Finalda neçənci olacağını heç kim öncədən deyə bilməz, çünki bu Allahın kitabında yazılan bir şeydir. Ancaq, “Eurovision” müsabiqəsində iştirak etmək özü artıq çox böyük uğurdur. Bu müsabiqədə iştirak mənim üçün çox böyük bir imkandır. O imkan ki, mənə ən çox sevdiyim işimlə məşğul olmağa və mükəmməl bir səhnədə çıxış etməyə şərait yaradır. Bu müsabiqədə sənin cəmi bir neçə dəqiqə imkanın var ki, gözəl bir prefomans nümayiş etdirəsən və 200 milyon insanın rəğbətini qazanasan.

- İştirakçı 38 ölkə təmsilçisi arasından kimi özünüzə rəqib görürsünüz?

- Bu il “Eurovision” səhnəsində yer alacaq mahnıların hamısını dinləmədiyim üçün bu haqda danışmağım çətindir. Eşitdiym ölkələr arasında Azərbaycan, Almaniya, Norveç, Bolqarıtsan, İspaniya, Danimarka, İsveç var. Bu ölkələr arasında ən çox bəyəndiyim mahnılar isə İspaniya, Danimarka və İsveçindir.

- Çox təmsilçilər rəqibləri arasında Sizi də görür... Həqiqətən də özünüzü güclü rəqib hesab edirsiniz?

- Mən bu günlərdə ətrafda gedən söz-söhbətlərə qulaqlarımı bağlayıram. Çünki mənim qarşıma qoyduğum məqsəd mahnını gözəl şəkildə ifa edib, gözəl perfomans nümayiş etdirməkdir. Əgər mən musiqimlə nəsə çatdıra biləcəyəmsə, bu elə mənim qələbəmdir.

- Bukmerkerlər builki “Eurovision” qalibi olaraq Sizi də birincilər arasında görürlər. Bu Sizə mənəvi dəstək verirmi?

- Mən bir sənətkar və ifaçı olaraq bu dəstəyi qəlbimdə duyuram. Çünki bu elə bir səhnədir ki, heç nəyi əvvəlcədən proqnazlaşdırmaq mümkün deyil. Ancaq əlbəttə ki, hər bir insan kimi ətrafdakı bu cür xoş rəylər mənə də müsbət və xoş təsir göstərir.

- Əgər Sizin təmsilçiliyinizlə ölkəniz qalib gəlsə, İsrail dövləti ölkədəki çətin durumda bu müsabiqəni yüksək səviyyədə təşkil etməyi öhdəsinə götürə biləcəkmi? Ölkəniz buna hazırdırmı?

- Əlbəttə ki, hazırdır. İsrail bu zamana kimi iki dəfə bu müsabiqəyə ev sahibliyi edib. 1978-ci və 1999-cu illərdə İsraildə təşkil olunan müsabiqələr “Eurovision” tarxiində ən yaddaqalan təşkilatçılıqlardan olub. Digər məsələlərin bu müsabiqənin təşkilinə problem yaradağından öshbət belə gedə bilməz. İsrail hər zaman buna hazırdır.

- Bu müsabiqədə Sizin mahnınız ana dilinizdədir. Sizin üçün mahnının ana dilinizdə ifası çox önəmlidir?

- Əlbəttə, hər bir ölkə vətəndaşı öz dilini bütün dillərdən yüksək tutur. Mahnımı bu dildə təqdim etməyim də gözəl bir haldır. Öz dilimdə ifa mənə daha çox rahatlıq verir.

- Azərbaycan təmsilçisi Səfurə Əlizadə ilə bağlı düşüncəniz necədir?

- Mən düşünürəm ki, çox yaxşı bir ifaçı və çox gözəl bir gənc xanımdır. Əminəm ki, o Azərbaycanı layiqincə təmsil etmək üçün əlindən gələni edəcək. Azərbaycan baxmayaraq ki, son üç ildə bu müsabiqədə iştirak edir, ancaq bu müsabiqəyə çox ciddi yanaşır və hər il yaddaqaln şou hazırlayır. Azərbaycan öndə olmağa layiq ölkədir. Azərbaycan dili çox şirin dildir, türk və ivrit dilinə bənzərliyi var.

- Əgər qalib gəlsəniz ölkə rəhbərliyinizdən hər hansısa bir tələbiniz olacaqmı?

- Əslinə qalsa, heç bir gözləntim yoxdur. Əminəm ki, qalib gəldiyim təqdirdə onlar məni arayıb təbrik edəcəklər. Əlbəttə ki, İsrail prezidenti ilə görüşməyi çox istərdim. O bütün İsrail xalqının atasıdır.

- Özünüzdən başqa hansı ölkəni qalib görürsünüz?

- Əlbəttə, mən öz fikrimi deyə bilərəm, ancaq bu fikir mənim fərdi düşüncəm olacaq. Bəlkə də həmin mahnı radio xarakterli bir mahnı olaraq yaxşıdır və müsabiqədə qalib gəlmək üçün yaxşı mahnı deyil. Ona görə də konkret ölkə adı çəkə bilmərəm. Bütün iştirakçı ölkələrə böyük uğurlar arzulayıram. Azərbaycandan isə dəstək gözləyirəm. Dəstəyinizə çox ehtiyacım var...