Şou-biznes

Ana səhifə

Şou-biznes

Səfurə Əlizadənin anası və bacısı Norveçə gəliblər – FOTO

Səfurə Əlizadənin anası və bacısı Norveçə gəliblər – <font color=red>FOTO</font>

24 may 2010 06:45 (UTC +04:00)

Onlar təmsilçimizin qələbəsinə ümid edirlər

Oslo. Ülkər Qasımova – APA. Azərbaycanı “Eurovision-2010” mahnı müsabiqəsində təmsil edən Səfurə Əlizadənin anası və bacısı müsabiqəsinin keçirildiyi Norveçin paytaxtı Osloya gəliblər. APA-nın Norveçə ezam olunmuş müxbirinin məlumatına görə, təmsilçimiz anası və bacısını uzun müddətdən sonra gördüyünə çox sevinib. S. Əlizadə bacısını üç aya yaxındır görmədiyini vurğulayıb. Bu müddət ərzində isə təmsilçimiz ölkə xaricində gərgin iş qrafiki ilə işləyib: “Ailəmin mənə dəstək verməsi çox önəmlidir. Bu gün anamın və bacımın yanımda olması məni olduqca sevindirir. İndi özümü dünyanın ən xoşbəxt insanı hesab edirəm”. Səfurə Əlizadənin anası Nailə xanım və bacısı Fidan Səfurə Əlizadənin Azərbaycana qələbə qazandıracağına ümid etdiklərini bildiriblər. Nailə Əlizadə qızının bu uğuru əldə etməsi üçün çox zəhmət çəkdiyini də açıqlayıb.

Qeyd edək ki, Azərbaycan təmsilçisi “Drip drop” mahnısı ilə “Eurovision-2010” Mahnı Müsabiqəsinin mayın 27-də keçiriləcək II yarımfinalında 7-ci çıxış edəcək.