Şou-biznes

Ana səhifə

Şou-biznes

Fransanın “Eurovision-2010” təmsilçisi Jessy Matador: ““Drip drop” bu yarışmanın ən güclü mahnılarından biridir” – MÜSAHİBƏ – FOTOSESSİYA

Fransanın “Eurovision-2010” təmsilçisi Jessy Matador: ““Drip drop” bu yarışmanın ən güclü mahnılarından biridir” – <font color=red>MÜSAHİBƏ – FOTOSESSİYA </font>

25 may 2010 07:10 (UTC +04:00)

Oslo. Ülkər Qasımova-APA. “Eurovision-2010” Mahnı Müsabiqəsində Fransanı təmsil edən Jessy Matadorun APA-nın Norveçə ezam olunmuş müxbirinə ekslüziv müshaibəsi

- “Eurovision-2010” müsabiqəsində ən güclü və yaddaqalan mahnıları sadalaya bilərsiniz?

- İlk növbədə Azərbaycan mahnısı... “Drip drop” bu yarışmanın ən güclü mahnılarından biridir. Şəxsən mən bu mahnın çox sevirəm. Eləcə də builki mahnılar arasında Almaniya, Yunanıstan və əlbəttə ki Fransanın “Allez, Ola, Ole”si...

- Birbaşa finalda iştirak etməmək və yarımfinalı həyəcanı keçirməmək az da olsa məsuliyyəti azaldırmı?

- Birbaşa finalda iştirak etməyin və ya yarımfinalda qalib gəlib finala qatılmağın elə bir fərqi yoxdur. Hər iki halda təmsilçi eyni təzyiq altında olur və eyni həyəcanı yaşayır.

- “Eurovision” müsabiqəsində iştirak etmək Sizin üçün nə anlam kəsb edir? Sizcə bu müsabiqəıdəı iştirakınız həyatınızda və yaradıcılığında nəyisə dəyişəcək?

- Əlbəttə ki, bu cür böyük bir şounun bir hissəsi olmaq çox həyəcanlı vəı sevindirici haldır. Hər bir insan istər ki, bu şounun bir hissəsi olsun. Bu ömürlük bir xatirədir və olduqca xoş bir şeydir. Bu həyəcanı yaşamamış bunu öncədən deyə bilmərəm. Hələ bilmirəm, nə dəyişiləcək, bu, nəticədən asılıdır. Hələlik, nəticə hələ məlum deyil.

- Tam səmimiliklə ən güclü rəqiblərinizin adını açıqlaya bilərsiniz?

- Əlbəttə mən hər zaman sözlərimdə və hər çıxışımda səmimi olmuşam. Tam səmimi olaraq deyirəm ki, ən güclü rəqiblərim Azərbaycan, Yunanıstan, Almaniya və Xorvatiyadır.

- Bəs, ötən il dünyaca məşhur müğənni Patrisiya Kassın göstərdiyi nəticəni qabaqlaya biləcəyinizə inanırsınız?

- Sözün düzü, bu yarışmaya Fransa təmsilçisi kimi vəsiqə qazananda, dünyaşöhrətli Patrisiya Kassı öncələmək ağlıma belə gəlməmişdi. Çünki, Patrisiya Kass bu müsabiqəyə qədər artıq dünya şöhrəti qazanmışdı və bu iştirak şəxsi karyerasında, nə də yaradıcılığında heç nə dəyişmədi. O, bu yarışmada müsabiqəyə olan sevgisindən iştirak etdi. İnanıram ki, bu müsabiqə mənim karyeram və şəxsi həyatımda çox böyük rol oynayacaq. Ancaq əlbəttə ki, hər bir təmsilçinin ürəyindən özündən öncəki ölkə təmsilçisinin nəticəsəni qabaqlamaq keçir.

- Azərbaycan Fransadan necə xal gözləsin və eləcə də Fransa Aərbaycandan necə səs gözləyir?

- Azərbaycan Fransadan 12 və ya 10 bal gözləsin. Bu elə belə də olacaq. Azərbaycan mənə heç olmasa bir xal da olsa versin.

- Müsabiqədə iştirak edən təmsilçilər iki qrupa bölünür. Kimi müsabiqədə sadəcə iştirak, kimisi isə sırf qələbə üçün qatılır. Sizi hansı qrupa aid etmək olar?

- Baxmayaraq ki, burada iştirak edən bütün iştirakçılar qələbə çalmaq istəyir, ancaq bu sualı onlara ünvanladırsanız “qələbə istəyirəm” sözünü açıqcasına deməyə çəkinəcəklər. Bunu etiraf edib sonra istəyi doğrutlmamaq qorxusu ilə üzbəüz qaldıqları üçün “qələbə çalmaq üçün buradayıq” demirlər. Ancaq mən öz düşüncələrimdən çəkinmirəm, mən bu müsabiqəyə iştirak üçün yox, məhz qələbə üçün gəlmişəm...