Şou-biznes

Ana səhifə

Şou-biznes

“Eurovision-2010” müsabiqəsində Danimarkanı təmsil edən Tomas Nevergreen: “Danimarkadan Azərbaycana 8, ya da 10 xal gələcəyini ümid edirəm” – MÜSAHİBƏ

“Eurovision-2010” müsabiqəsində Danimarkanı təmsil edən Tomas Nevergreen: “Danimarkadan Azərbaycana 8, ya da 10 xal gələcəyini ümid edirəm” – <font color=red>MÜSAHİBƏ </font>

29 may 2010 18:10 (UTC +04:00)

Oslo. Ülkər Qasımova – APA. “Eurovision-2010” mahnı müsabiqəsində Danimarkanı təmsil edən Tomas Nevergreenin APA-nın Norveçə ezam olunmuş müxbirinə müsahibəsi

- Finala sayılası saatlar qalmış özünüzü necə hiss edirsiniz?

Əlbəttə yarımfinala vəsiqə qazanmaq, yarımfinal həyəcanından xilas olmaq həyəcanı nisbətən azaldır. İnsan özünü daha yaxşı hiss edir. Ən böyük sınaq olan final isə hələ öndədir. Bizim isə məqsədimiz finalda qalib olmaqdır və bu hələ qarşıdadır. Finalda iştirak edəcək bütün təmsilçilərə uğurlar arzu edirəm. Ən layiqli mahnının qalib gəlməsini istəyirəm.

- Siz düşünürsünüz ki, II yarımfinalda çıxış edən ölkələrin layiqliləri finala vəsiqə qazanıb?

Fikrimdə tutduğum bütün ölkələr demək olar ki, finala vəsiqə qazanıb. Yeganə İsveç finala vəsiqə qazanmadı, ancaq mən düşünürdüm ki, İsveç mahnısı finalda çıxış etməyə layiqli idi. Bunun baş verməsi onu göstərir ki, bizdən asılı olan heç nə yoxdur, burada əsas tamaşaçının və münsiflərin səsidir. Bu səsi qazanmaq lazımdır. Deməli yenə də hər şey tamaşaçılardan və münsiflər asılıdır.

- Finaldakı ölkələr arasında favoritiniz olan təmsilçilərin adını açıqlaya bilərsiniz?

Əsas favoritlər arasında Azərbaycan, Almaniya, Rumıniya var. Öz mahnımızı da çox sevirik. Təki biz də yüksək pillələrdən birini qazanaq.

- Sizcə bu gün Danimarkadan Azərbaycana necə səs gələcək?

Düşünürəm ki, sizin mahnı yetəri qədər uğurlu bir mahnıdır. Danimarkada “Drip drop” çox sevilir və dinlənilir. Düşünürəm ki. bu gün Danimarkanın 8, ya da 10 xalı Azərbaycana veriləcək. Azərbaycandan da həmçinin yüksək xal gözləyirəm. Mənə yaxınlaşan azərbaycanlılardan belə nəticəyə gəldim ki, bizim mahnımız sevilir və favoritlər sırasındayıq. Ancaq bilirəm ki, Azərbaycanın favoritləri arasında Türkiyə və İsrail də var. Ona görə ümid edirəm ki, yüksək üç xaldan biri məhz Danimarkaya gələcək.

- Sizcə final səhnəsində hər şey istədiyiniz kimi olacaq?

Çoxsaylı məşqlərdən keçmişik və hər bir şey finala hazırdır. Əminəm ki, bu vaxta qədər necə uğurlu çıxışlar etmişiksə, bu gündə işimizin öhdəsindən bacarıqla gələcəyik. Hər bir finalçıya uğurlu çıxışlar arzu edirəm.