Şou-biznes

Ana səhifə

Şou-biznes

Səfurə Əlizadə: “Yüksək nəticə əldə etmək üçün əlimdən gələni əsirgəməmişəm” - FOTOSESSİYA

Səfurə Əlizadə: “Yüksək nəticə əldə etmək üçün əlimdən gələni əsirgəməmişəm” - <font color=red>FOTOSESSİYA</font>

03 iyun 2010 13:14 (UTC +04:00)

Bakı. Ülkər Qasımova – APA. Bu gün İctimai Televiziya və Radio Verilişləri Şirkətində (İTV) Azərbaycanı “Eurovision-2010“ mahnı müsabiqəsində iştirakının nəticələrinə həsr olunmuş mətbuat konfransı keçirilib. APA-nın məlumatına görə, mətbuat konfransında İTV-nin ictimaiyyətlə əlaqələr şöbəsinin müdiri Tahir Məmmədov, Azərbaycanın “Eurovision” müsabiqəsi üzrə nümayəndə heyətinin rəhbəri Adil Kərimli və bu il Azərbaycanda “Eurovision” müsabiqəsinhin şərhçisi Hüsniyə Məhərrəmova iştirak ediblər. Tahir Məmmədov Azərbaycanın bu müsabiqədə 39 ölkə arasında beşinci yeri qazanmasının ölkəmiz üçün uğur olduğunu qeyd edib: “39 ölkə arasıdna 5-ci yer qazanmamız çox gözəl bir nailiyyətdir. Əvvəlki illərdən fərqli olaraq bu il favoritlərin, birinciliyə iddialı olanların və güclü rəqiblərin sayı çox idi. Ancaq yenə də biz gücümüzü nümayiş etdirdik və Azərbaycan layiqincə təmsil olundu”.

Adil Kərimli bildirib ki, müsabiqə boyu Azərbaycanın favoritlər sırasında olub: “Ötən illərdən fərqli olaraq bu il müsabiqə öncəsi və müsabiqə ərəfəsində də daim adımız birincilər sırasında çəkilirdi. Rəsmi bukmekerlərin, tamaşaçıların rəyi, eləcə də müsabiqədə iştirak edən ölkələrin nümayəndə heyətlərinin və təmsilçilərinin favoriti biz idik. Biz hər birimiz birinciliyə köklənmişdik, ancaq 39 ölkə arasıdna beşinci yer çox yaxşı nəticə idi. Bəlkə də çoxumuzu bu nəticə təəccübləndirə bilər. 39 ölkə arasında Avropa məkanında beşinci yeri qazanmaq heç də asan deyildi. Bunun üçün çox əziyyətlər çəkildi”. A. Kərimli onu da açıqlayıb ki, tamaşaçı səsverməsinə görə Azərbaycan “Eurovision-2010” müsabiqəsində ən çox səs toplayan ölkədir. Ancaq münsiflər heyətinin verdiyi səslərin hesabına Azərbaycan beşinci olub.

Səfurə Əlizadə isə bildirib ki, o yüksək nəticə əldə etmək üçün əlindən gələni əsirgəməyib: “Hamı birincilər sırasında məni gördüyünü deyirdi. Biz birinciliyə layiq idik. Ancaq hər şey yenə də səsvermədən asılıdır”.

Hüsniyə Məhərrəmova Jaguel Nayt tərəfindən təşkil olunan xoreoqrafiyanın yüksək səviyyədə olduğunu qeyd edib: “Bu gün klublarda, hər yerdə Səfurə Əlizadənin “Drip drop”u ifa olunur. Bu, özü də böyük uğurdur və Səfurə Əlizadə gözəl vokalçıdır. Onun rəqs edib-etməməsi isə önəmli deyil”.

Adil Kərimli deyib ki, riskli xoreoqrafiyada Səfurə Əlizadənin ifası tam olaraq zəmanət altına alınıb: “Ədalətsizlikdən və digər bir şeydən söhbət gedə bilməz. Münsif səs verməsi nəticəsində az saylı səslərin sayı azalmış olur. EBU-nun bununla Azərbaycanın birinciliyi satın alması ilə bağlı xarici mətbuatda yer alan yazılara görə müsabiqəni sığortalaması məsələsi də düzgün deyil. EBU-nun ədalətli olmasına heç bir şübhə ola bilməz. Azərbaycan təmsilçisinin xoreoqrafiyasının, eləcə də mahnının xaricilər tərəfindən hazırlanmasının bir fərqi yoxdur, burada Azərbaycanın adı gedir və biz hər birimiz Azərbaycan naminə çalışırıq”.