Şou-biznes

Şou-biznes

“Eurovision-2010”un qalib mahnısı Avropanın ən çox satılan mahnısıdır – FOTO

“Eurovision-2010”un qalib mahnısı Avropanın ən çox satılan mahnısıdır – <font color=red>FOTO </font>

14 iyun 2010 10:04 (UTC +04:00)

Bakı. Ülkər Qasımova – APA. “Eurovision-2010” mahnı müsabiqəsinin qalibi 19 yaşlı almaniyalı müğənni Lenanın müsabiqədə ifa etdiyi “Satellite” mahnısı Avropanın ən çox satılan mahnısıdır.

APA-nın müsabiqənin rəsmi internet saytına istinadən yaydığı xəbərə görə, Lena mahnısının çox satılması ilə Avropada öz qalibiyyətini təkrarlayıb. Halbuki ötən il “Eurovision” müsabiqəsində rekord səs toplayaraq qalib olan Aleksandr Rıbakın “Farytale” mahnısı Avropada ən çox dinlənən mahnılar arasında ancaq üçüncü yeri qazana bilmişdi. Lenanın müsabiqə üçün hazırladığı mahnı hələ yarışmadan öncə Avropanın 100 ən yaxşı mahnı çarxının siyahısına düşüb və bu mahnı həmin ərəfədə səkkizinci yerdə idi. Amma qalibiyyətdən sonra “Satellite” Almaniya, İsveçrə, Avstriya, Danimarka, Finlandiya, İrlandiya, Norveç, İsveç, Belçika və Hollandiyada ən çox dinlənən mahnı olub. Bu çartda altıncı yerdə “Eurovision-2010” müsabiqəsində Fransa təmsilçisi Cessy Matadorun “Allez Olla Ole” mahnısı qərar tutub. Müsabiqədə favorit mahnılar arasında olan Belçika təmsilçisi Tom Daysın ifa etdiyi “Me and my Guitar” da bu çartda yer qazanmağa müvəffəq olub. Məlumatda bildirilir ki, Lenanın debüt albomu olan “My Cassette Player”in də satışı müsabiqənin nəticələri məlum olandan sonra çox yaxşı gedir. Müsabiqə qalibinin bu albomu Avropanın ən yaxşı albom çartında altıncı yeri tutur. Həmin çartda elə Lenanın albomuna yaxın bir yerdə məşhur Lady GaGa-nın albomu var.

Qeyd edək ki, 19 yaşlı Lena Meyer-Landrut “Eurovisipn-2010” müsabiqəsində 39 ölkə təmsilçisi arasında birincilik qazanıb. Bu müsabiqədə Almaniya sonuncu dəfə 1982-ci ildə qalib olub və 18 illik fasilədən sonra ölkəsinə qalibiyyəti Lena qazandırıb.