Şou-biznes

Ana səhifə

Şou-biznes

MTV telekanalının nümayəndəsi Metyu Goldşteyn: “Təəssüflər olsun ki, mətbuat bütün günahı mənim üzərimə atır” – FOTO

MTV telekanalının nümayəndəsi Metyu Goldşteyn: “Təəssüflər olsun ki, mətbuat bütün günahı mənim üzərimə atır” – <font color=red>FOTO </font>

24 avqust 2010 14:51 (UTC +04:00)

MTV-nin rəhbərliyindən iki nümayəndə - Neil Sharma və Alex Okosinin Bakıya səfərləri çərçivəsində dövlət təmsilçiləri və sponsorlarla Bakıda yaxın vaxtlarda planlaşdırılan, dünya ulduzlarının iştirak edəcəyi tədbiri yekun olaraq müzakirə edəcəklər. Danışıqlar üç aydır davam edir və ümid edirik ki, tədbiri keçirmək mümkün olacaq”. APA-nın məlumatına görə, bu çıxışı neçə müddətdir ki Azərbaycanda səfərdə olan və ətrafında çoxsaylı anlaşılmazlıqlar yaranan MTV-nin Avrasiya regional bürosunun nümayəndəsi, eyni zamanda İ.D.E.A agentliyinin rəhbəri Metyu Goldşteyn keçirdiyi mətbuat konfransında deyib.

MTV nümayəndəsi Azərbaycan mətbuatından incikliyini də dilə gətirib: “Avqustun 13-də Bakıda keçirilməsi nəzərdə tutulan əyləncəli gecədə çıxış etmək üçün Bakıya gələn musiqiçilər və dj bir gün sonra başqa bir məkanda çıxış etməli olduqlarından bu hal ictimaiyyət arasında narahatlıq yaratdı və bundan dolayı mətbuatda xoşagəlməz məqalələr dərc olunmağa başladı. Bu tədbir adları siyahıda qeyd olunmuş yerli promouterlər tərəfindən təşkil olunmuşdu. MTV Azərbaycanın beynəlxalq turizm sahəsində potensialını nümayiş etdirmək məqsədi ilə yalnız kliplərin fraqmentlərini həyata keçirməyi planlaşdırırdı və bununla da MTV-nin iştirakı bitirdi. Çünki bu şirkət çox nadir hallarda dj-lərlə işləyir. MTV-nin Azərbaycandakı nümayəndəsi olaraq görəndə ki, bu tədbir alınmır, vəziyyəti düzəltmək məqsədi ilə öz səylərimi və vəsaitlərimi bu tədbirə yönəltdim, baxmayaraq ki, mən kiçik biznesdə adətən iştirak etmirəm. Lakin görəndə ki, tədbir ümumiyyətlə təşkil olunmayıb, mən bu adamlarla bütün ünsiyyətləri kəsdim”.

M. Goldşteyn deyib ki, çoxları MTV-nin Azərbaycana gəlişini səbirsizliklə gözləyir: “Lakin demək istəyirik ki, bu proses bir neçə mərhələ üzrə davam edəcək. İlk mərhələdə korporasiyanın nümayəndəsi ölkənin hakimiyyəti ilə danışıqlar aparmalıdır və ondan sonra sponsorların axtarışı başlanmalıdır. Yalnız müqavilə imzalandıqdan, sponsorlardan maliyyə vəsaiti alandan sonra tədbirə hazırlıq görülür və bu hazırlıq bir-üç ay vaxt tələb edir. Bu proses çərçivəsində ölkədə telekanalın açılması üçün MTV özünə tərəfdaş axtarır. Hazırda bu barədə danışıqlar aparılır. Tədbirlər ildə üç dəfə üç il ərzində təkrarlanacaq. MTV-nin Azərbaycanda layihələrinin həyata keçirilməsi turizmin inkişafına və Azərbaycanın dünya arenasında imicinin yüksəlməsinə xidmət edəcək. Yaxın vaxtlarda MTV öz adından möhtəşəm bir tədbir keçirəcək və bu tədbir ölkəyə turistlərin böyük axınını təmin edəcək”.