Şou-biznes

Ana səhifə

Şou-biznes

Tarkan Yeni il ərəfəsində Bakıda iki gün konsert verəcək – FOTO

Tarkan Yeni il ərəfəsində Bakıda iki gün konsert verəcək – <font color=red>FOTO </font>

12 noyabr 2010 13:08 (UTC +04:00)

Bakı. Ülkər Qasımova – APA. Türkiyənin meqa-starı Tarkanın Bakı konserti dekabrın sonlarında, Yeni il bayramı və dünya azərbaycanlılarının Həmrəylik Günü ərəfəsində baş tutacaq. Bunu APA-ya açıqlamasında Tarkanın Bakıdakı konsertlərinin təşkilatçısı Nahid Emiloğlu deyib.

Təşkilatçı bildirib ki, meqa-starın Azərbaycandakı pərəstişkarları ilə görüşü Heydər Əliyev Sarayında olacaq və Tarkan həmin səhnədə iki gün konsert verəcək: “Tarkanın Bakı konserti ilə bağlı yanlış məlumatlar yayılır. Bu məlumatlar Türkiyədə narazılığa səbəb olur. Onun konserti bəzi məlumatlarda bildirildiyi kimi, başqa məkanlarda yox, məhz Heydər Əliyev Sarayında keçiriləcək. Konsertin vaxtı dekabrın sonlarına, Yeni il bayramına təsadüf edəcək. Dəqiq tarixin hələ müəyyən edilməməsinin səbəbi Tarkanın ifasında səslənəcək və azərbaycanlı müəlliflərə aid “Səndən nigaranam” mahnısının aranjeman olunmasıdır. Məlum olduğu kimi, türkiyəli meqa-starın Bakı konserti məhz bu mahnının təqdimatı ilə bağlıdır. Mahnı hazır olduqdan sonra bu mahnının da yer alacağı albom çıxacaq və Tarkan bu albomla Bakı tamaşaçısı qarşısında çıxış edəcək”.

N. Emiloğlunun sözlərinə görə, artıq albomun digər mahnıları hazırdır. Musiqisi bəstəkar Kamala, sözləri isə şair Baba Vəziroğluna məxsus olan “Səndən nigaranam” mahnısının da yaxın günlərdə tamamlanacağı gözlənilir.

tarkan_konsert