Şou-biznes

Ana səhifə

Şou-biznes

Çingiz Mustafayev: “Azərbaycanın maraqları və qələbəsi mənim üçün şəxsi ambisiyalarımdan daha önəmlidir” – MÜSAHİBƏ – FOTOSESSİYA

Çingiz Mustafayev: “Azərbaycanın maraqları və qələbəsi mənim üçün şəxsi ambisiyalarımdan daha önəmlidir” – <font color=red>MÜSAHİBƏ – FOTOSESSİYA </font>

26 noyabr 2010 10:39 (UTC +04:00)

Bakı. Ülkər Qasımova – APA. “Eurovision-2011” mahnı müsabiqəsində Azərbaycanı təmsilçisinin seçilməsi üçün keçirilən seçimlərin finalına vəsiqə qazanan Çingiz Mustafayevin APA-ya müsahibəsi.

- Milli seçimlərin finalına keçməyini necə qiymətləndirirsən?

- Düşünürəm ki, finala çıxmağımın birinci səbəbi tamaşaçıların məni “Yeni ulduz” layihəsindən tanıması oldu. Bu müddət ərzində mənim ifamı bəyənən yetərli tamaşaçı auditoriyasını və pərsətişkar ordusunu ətrafıma toplamağı bacardım. Məhz onların dəstəyi hesabına mən milli seçimlərin finalına vəsiqə qazandım. Sözsüz ki, bu uğurumda münsiflər heyətinin rolu da çox böyükdür. Sadaladıqlarımın hesabına mən “Eurovision” səhnəsində çıxış etməyə bir addım da yaxınlaşdım.

- Yarfımfinalın ilk həftəsində çıxış etdin. Sonuncu gün isə “Eurovision-2010”da İsrail təmsilçisi Harel Skaatın “Milim” mahnısını ivrit dilində səsləndirdin. Bu dildə mahnı oxumaq çətin olmadı ki?

- Əslində “Milim” mahnısını elə müsabiqə dönəmində çox sevdim. Çox çətin və məsuliyyətli mahnıdır. Bu mahnını sonuncu gün ifa etməyim üçün çox çalışdım, sözləri əzbərlədim və hər şeyi etdim ki, bu mahnı məndə alınsın. Gündəlik olaraq öz-özümə mahnını ifa edirdim. Sizə onu da açıqlayım ki, mahnını ifa etdikdən sonra bu ifam internetdə yayıldı. Heç gözləmədiyim halda mahnının bəstəkarı və Harel Skaatın köməkçisi mənim ifamı çox bəyəndiklərini söylədilər. Hətta bəstəkar bildirib ki, “mən bu mahnının ivrit dilində azərbaycanlı ifaçı tərəfindən bu cür peşəkarlıqla təqdim olunmasını gözləmirdim, bu, məni ürəkdən sevindirir”. Bu sözləri eşitmək sözsüz ki, məni çox şad etdi. Hər halda sübut etdim ki, üzərimdə çalışaraq istənilən çətinliyin öhdəsindən gələ bilərəm.

- Ümumiyyətlə, Çingiz Mustafayevin bu müsabiqəyə qatılmaqda əsas məqsədi nədir?

- “Yeni ulduz” müsabiqəsindən sonra öz üzərimdə çox işləməyə başladım, məncə artıq “Eurovision” müsabiqəsinin formatına uyğun gəlirəm. Bu mötəbər musiqi-televiziya şousunda nəyə qadir olduğumu, bütün potensialımı Avropaya nümayiş etdirmək istəyirəm.

- Yarımfinal iştirakçıları arasında finala vəsiqə qazanacaq digər altı namizədin kim olacağını özün üçün müəyyənləşdirmisənmi?

- Şəxsən mən milli seçimlərdə iştirak edən 6-7 iştirakçının finala çıxacağını güman edirəm, çünki onlar həqiqətən də istedadlı və perspektivli ifaçılardır. Düşünürəm ki, elə məhz həmin ifaçılar final mərhələsinə vəsiqə qazanacaqlar. Mən də daxil olmaqla, düşündüyüm ifaçıların hər biri bu müsabiqədə ölkəmizi təmsil etməyə layiqdir. Hətta münsiflər heyəti və tamaşaçılar finalda məni təmsilçi kimi seçməsələr və bu şans başqa bir ifaçıya nəsib olsa, mən həmin şəxsə Azərbaycana qalib kimi dönməyi ürəkdən arzulayaram.

- Əgər “Eurovision-2011” mahnı müsabiqəsində təmsilçilik hüququ qazansan Avropanı nə ilə təəccübləndirəcəksən? Sən özündə Avropada birinci olmaq gücünü görürsənmi?

- “Eurovision” səhnəsində çıxış etmək şansı mənə nəsib olsa, Azərbaycan musiqisinin bütün gözəlliklərini və unikallığını göstərməyə var gücümlə çalışacağam. Düşünürəm ki, “Eurovision” hitlərində mütləq milli ornamentlər, sintez olunmuş musiqi olmalıdır. Samir Cavadzadə və Elnur Hüseynov, eləcə də Aysel və Araşın ifa etdiyi mahnı kimi. İkinci sualınıza gəlincə, belə cavablandırardım: general olmaq istəməyən əsgər, əsgər deyil. Zənnimcə, ölkəmizin bu müsabiqədə qalib olmaq şansı hər il daha da artıq. Hər ölkəyə ikinci iştirakda üçüncülük nəsib olmur.

- Gəl razılaşaq ki, sən tamaçılar tərəfindən əsasən İspaniya musiqilərinin mahir ifaçısı kimi tanınırsan. Səs diapazonun da bu üsluba daha yaxındır. Təmsilçilik hüququ qazandığın təqdirdə öz gitaranla bu üslubda mahnı ifa edəcəksən?

- Bizim ölkədən hansı mahnı səslənsə, istərdim ki, həmin mahnıda milli üslub olsun və Azərbaycan musiqisini bütün Avropa tamaşaçısı duysun. Musiqi alətinə gəlincə, Aleksandr Rıbakın skripkası ilə qələbəsini xatırlamaq kifayətdir. Mənim gitaramın da şansı olduğunu düşünürəm.

- Qalib olmaq üçün nələr etməyə hazırlaşırsan?

- Bütün gün üzərimdə işləyirəm. Final konserti üçün bütün gücümü səfərbər edirəm. Bu təmsilçiliyi öhdəmə götürməyə hazır olduğumu göstərəcəyəm. Final konsertində təqdim edəcəyim mahnı Avropaya uyğun, sözün həqiqi mənasında müasir və Azərbaycan musiqisinin elemnetlərindən istifadə olunmuş bir mahnı olacaq.

- Özündən başqa Almaniya - Düsseldorf səhnəsində hansı iştirakçını görmək istəyirsən?

- Mən Azərbaycanı bu müsabiqədə təmsil etməyi çox istəyirəm. Bu, mənim ən böyük arzumdur. Ancaq nəticə istədiyim kimi olmasa, Düsseldorfa başqa ifaçı getsə, mən ona ancaq və ancaq uğur arzu edəcəyəm! Əsas odur ki, hər kim təmsilçi olacaqsa, layiqincə vətənimizi təmsil etsin və ötən illərlə müqayisə daha yüksək nəticə qazansın. Azərbaycanın maraqları və qələbəsi mənim üçün şəxsi ambisiyalarımdan daha önəmlidir.

eurovision_azərbaycan