Şou-biznes

Şou-biznes

“Eurovision” yarışmasının yeni icraçı direktoru Jon Ola Sand: “Eurovision” yarışması hər zaman parıldayan brilyant olub və çalışacağıq ki, bu brilyant öz parıltısını itirməsin”

11 may 2011 20:59 (UTC +04:00)

Düsseldorf. Ülkər Qasımova – APA. “Eurovision-2011” mahnı müsabiqəsinin 14 may tarixində keçiriləcək final mərhələsi zamanı münsiflər heyətinin səsləri bir gün əvvəl hesablanacaq. APA-nın Düsseldorfa ezam olunmuş müxbirinin məlumatına görə, bunu “Eurovision” müsabiqəsinin yeni icraçı direktoru Jon Ola Sand bu gün keçirdiyi mətbuat konfransında açıqlayıb. Uzun illər ərzində bu yarışmayla əlaqəli işlə məşğul olmasına baxmayaraq, icraedici direktor kimi yarışma təşkilatçılığının çox məsuliyyətli iş olduğunu dilə gətirib. Çıxışı zamanı Jon Ola Sand yarışma çərçivəsində bu il bəzi dəyişiklərin olacağını deyib: “Bu dəyişikliklər səsverməyə aid olacaq. Belə ki, televiziya tamaşaçılarına hər şey olduğu kimi görünsə də, münsiflər heyətinin səsləri finaldan bir gün öncə hesablanacaq”. İcraçı direktor onu da deyib ki, səsvermə pəncərəsinin nəzarət altında saxlanılması, gələn səslərin nümayiş etdirilməsi bu yarışmaya olan etibarı daha da artıracaq və daha keyfiyyətli şou yaratmaq imkanı verəcək.
J.Ola Sand onu da deyib ki, hər bir məşqi izləyib və bütün ölkələrlə bağlı lazımi qeydiyyatlar aparıb: “Bu günə kimi həyata keçirilən məşqləri izləmişəm və heç bir məşqi buraxmam, özümdə qeydiyyatlar aparmışam. Hər məşqdən sonra ənənəvi şəkildə dairəvi masa arxasında bu işlə məşğul olan digər şəxslərlə müzakirələr aparmışıq. Bütün həll olunan və olunmayan məsələləri müzakirə etmişik. Hər bir kəs “Eurovision”-un nə qədər dəyərli və bahalı layihə olduğunu bilir. Hər bir iştirakçı ölkə də bu müsabiqə üçün çoxlu pul xərcləyir”
Bu ildən etibarən bu vəzifəni icra edən Jon Ola Sand qeyd edib ki, “Eurovision” yarışması hər zaman parıldayan brialliant olub və “çalışacağıq ki, bu brilyant öz parıstısını itirməsin” deyib. İlk dəfə olaraq 43 ölkənin səsini açıqlayacağını deyən müsabiqənin icraçı direktoru, bununla bağlı həyəcanlandığını diqqətə çatdırıb və bu ana xüsusi hazırlaşır.