Şou-biznes

Şou-biznes

“Eurovision-2011” müsabiqəsinin finalında iştirak edəcək 25 ölkə məlum olub - FOTOSESSİYA

“Eurovision-2011” müsabiqəsinin finalında iştirak edəcək 25 ölkə məlum olub - <font color=red>FOTOSESSİYA</font>

12 may 2011 23:11 (UTC +04:00)

Düsseldorf. Ülkər Qasımova - APA. Bu gün Almaniyanın Düsseldorf şəhərində “Esprit Arena”da “Eurovision-2011” müsabiqəsinin II yarımfinalı baş tutub. APA-nın Düsseldorfa ezam olunmuş müxbirinin verdiyi məlumata görə, bugünkü yarımfinal mərhələsində 19 ölkə finala çıxmaq uğrunda mübarizə aparıb. Mübarizə aparan ölkələr arasında Avstriya, Belarus, Belçika, Bosniya və Herseqovina, Bolqarıstan, Kipr, Danimarka, Estoniya, Makedoniya, İrlandiya, İsrail, Latviya, Moldova, Rumıniya, Slovakiya, Sloveniya, İsveç, Niderland və Ukrayna təmsilçiləri olub.
II yarımfinalda da bir çox yaddaqalan məqamlar olub. Almaniyanın ev sahibliyi etdiyi builki yarışmanın hər iki yarımfinalı öz mükəmməlliyi ilə seçilib. II yarımfinalda artıq mayın 14-də keçiriləcək final mərhələsində çıxışı təsdiqlənə təmsilçilər də tamaşaçı qismində iştirak ediblər. Azərbaycanı bu müsabiqədə təmsil edən Eldar və Nigar konsert ərəfəsində tamaşaçı kürsüsündə də çıxış edib və öz fikirlərini Avropa ictimaiyyəti ilə bölüşüblər. Müsabiqənin II yarımfinalında çıxış edən 19 ölkə təmsilçisindən 10-u – Estoniya, Moldova, Rumıniya, İrlandiya, Bosniya və Herseqovina, Danimarka, Avstriya, Ukrayna, Sloveniya, İsveç finala vəsiqə qazanıb.
Düsseldorfun “Esprit Arena”sında yüksək səviyyədə təşkil olunan “Eurovision-2011” müsabiqəsinin II yarımfinalında 19 ölkə təmsilçiləri şoularını nümayiş etdiriblər. Hər iki yarımfinalda çoxsaylı tamaşaçı bu yarışmanı canlı izləmək üçün “Esprit Arena”ya toplaşıb. Bu il tamaşaçı sayının çoxluğu da diqqətdən qaçmayıb.
Onu da bildirək ki, səsvermədə həm münsiflər heyəti, həm də tamaşaçılar iştirak edib. Hər ölkənin münsiflər heyəti yarımfinaldan bir gün əvvəl əsas məşqə əsasən səslərini veriblər. Tamaşaçılar arasında səsvermə isə elə konsert başlayandan start götürüb.
Qeyd edək ki, mayın 10-da keçirilən I yarımfinal mərhələsindən Azərbaycan, Serbiya, Litva, Yunanıstan, Gürcüstan, İsveçrə, Macarıstan, Finlandiya, Rusiya, İslandiya finala vəsiqə qazanıb. Almaniya, Fransa, Böyük Britaniya, İtaliya və İspaniya isə birbaşa finalda çıxış edəcəklər. Mayın 14-də baş tutacaq final mərhələsində 25 ölkə birincilik uğrunda mübarizə aparacaq. Bu ölkələr Azərbaycan, Fransa, Almaniya, Böyük Britaniya, İtaliya, İspaniya, Serbiya, Litva, Yunanıstan, Gürcüstan, İsveçrə, Macarıstan, Finlandiya, Rusiya, İslandiya, Estoniya, Moldova, Rumıniya, İrlandiya, Bosniya və Herseqovina, Danimarka, Avstriya, Ukrayna, Sloveniya, İsveçdir.