Şou-biznes

Ana səhifə

Şou-biznes

Emin Ağalarov: “Oğullarım hansı sənəti seçsələr, onlara daim dəstək olacağam”

08 iyul 2011 09:42 (UTC +04:00)

APA-nın məlumatına görə, bu sözləri gənc müğənni Emin Ağalarov ötən gün Bakıdakı Yaşıl Teatrda verdiyi solo-konsertdən sonra jurnalistlərə açıqlamasında deyib.

Müğənni daha çox 70-80-ci illərin musiqilərini dinlədiyini və o musiqiləri çox sevdiyini vurğulayıb. E. Ağalarov 2 oğul övladının gələcəkdə hansı sənət sahibi olmasını istədiyi ilə bağlı suala belə cavab verib: “Oğullarım hansı sənəti seçsələr, hansı yolla getmək istəsələr, mən onlara daim dəstək olacağam. Onlara təzyiq etmək fikrində deyilik”.

Yaradıcılığı ilə bağlı gələcək planlarını da yerli mətbuat nümayəndələri ilə bölüşən Emin, yaxın zamanlarda Almaniya, İsveçrə və İsveçə səfərinin olacağını diqqətə çatdırıb: “Hazırda qeyd etdiyim ölkələrə səfərə hazırlaşıram. Gələcək üçün bir çox planlarım var. Artıq Böyük Britaniyada müvəffəqiyyət qazana bildim. Bir ildən sonra isə Amerikaya qayıtmağı düşünürəm. Amerikada yaradıcılığımı davam etdirmək və Amerikanı da fəth etmək arzusundayam. Buna çox inanıram. Daima daha yüksəklərə baxmaq və o yüksəklikləri fəth etmək lazımdır”.

emin_konsert