Şou-biznes

Ana səhifə

Şou-biznes

Bakıda “Hamburger”in 111 yaşı qeyd edilib - FOTOSESSİYA

Bakıda “Hamburger”in 111 yaşı qeyd edilib - <font color=red>FOTOSESSİYA</font>

28 iyul 2011 08:58 (UTC +04:00)

Bakı. Ülkər Qasımova-APA. ABŞ-ın Azərbaycandakı səfirliyi ilə “Park Bulvar Mall” “hamburger”in yaranmasının 111 illiyinə həsr olunmuş “Ən yaxşı hamburger hazırlayan şəxs” adlı müsabiqə keçirib. APA-nın məlumatına görə, müsabiqədən öncə ABŞ-ın ölkəmizdəki səfirliyinin mədəniyyət və təhsil işləri üzrə müşaviri Kristofer Cons çıxış edərək hamburqerin Amerikanın ən məşhur qidalarından biri olduğunu deyib: “Bütün dünyada ən tanınmış qidalar arasında hamburqer, çizburger və başqa yeməklər də var. Biz çox şadıq ki, bu gün bu yeməklərimizlə azərbaycanlıları tanış edirik. Azərbaycanda belə bir tədbirin keçirilməsi çox gözəldir”.

“Park Bulvar Mall”ın piar-meneceri Günay Malikqızı bildirib ki, hamburgerin 111 yaşını qeyd etmək çoxsaylı insanların marağına səbəb olub. O, bu cür layihələrin davamlı olacağını da diqqətə çatdırıb. 2 saylı uşaq evinin 20-yə yaxın sakini “Best Food”un qonağı olub. Müsabiqədə üç azərbaycanlı və üç amerikalı “Azərbaycanın ən yaxşı hamburqeri”ni hazırlamaq üçün yarışıb. Aşpazların işini isə altı nəfərdən ibarət münsiflər heyəti qiymətləndirib. Münsif heyətində Azərbaycan tərəfdən şoumen Murad Arif, “Dəyirman” qrupunun üzvü Malik, xalq artisti Aygün Kazımova və Amerika səfirliyinin üç məkdaşı təmsil olunub. 15 dəqiqə müddətində hazırlanan hamburgerləri münsiflər həm dad, həm də görünüş baxımından qiymətləndiriblər. Altı münsifin qərarına əsasən, amerikalı aşpaz “Ən yaxşı hamburqer hazırlayan şəxs” adını qazanıb. İkinci yerə isə azərbaycanlı aşpaz layiq görülüb. Müsabiqə başa çatandan sonra xalq artisti Aygün Kazımova öz ifası ilə iştirakçıları salamlayıb.

Qeyd edək ki, bişirilən hamburgerlərin bir hissəsi yarışı izləyənlərə paylanılıb, qalan hissəsi isə “Park Bulvar”da yerləşən “Best Food” restoranında 50 faiz endirimlə satılıb. Bundan başqa 2 saylı uşaq evinin 20-yə yaxın sakini də “Best Food”un qonağı olub.