Şou-biznes

Ana səhifə

Şou-biznes

“Eurovision”un rəsmi saytında Azərbaycan və Bakı haqqında məlumatlar yerləşdirilib – FOTO

“Eurovision”un rəsmi saytında Azərbaycan və Bakı haqqında məlumatlar yerləşdirilib – <font color=red>FOTO </font>

01 sentyabr 2011 14:31 (UTC +04:00)

Bakı. Ülkər Qasımova – APA. “Eurovision” mahnı müsabiqəsinin rəsmi saytında Azərbaycan haqqında geniş məlumatlar yerləşdirilib. APA-nın xəbərinə görə, əsas səhifədə ayrı-ayrılıqda Azərbaycan, Bakı, İctimai Teleradio haqqında və digər mövzularda məlumatlar yer alıb.

Azərbaycan əhalisinin islam dininə etiqad etdiyi bildirilən informasiyada Azərbaycanın iqtisadiyyatından və milli mətbəxindən də bəhs edilir. 1828-ci ildə Türkmənçay müqaviləsinin imzalanmasından sonra Azərbaycanin iki hissəyə bölündüyü, 70 il ərzində rus imperiyasının əsarəti altında qaldığı və 1991-ci il oktyabrın 18-də müstəqilliyini elan etdiyi qeyd olunur.

Bakı haqqında məlumatda isə paytaxtın tarixi mərkəzinin onun keçmişini nümayiş etdirdiyi yazılıb: “Köhnə şəhərdə məscidlər, tarixi binalar var, Şirvanşahlar və Qız Qalası UNESCO-nun dünya irsi siyahısına salınıb. Bakı həmçinin öz mədəniyyəti, yüksələn biznes sektoru ilə tanınır və “Eurovision-2012” müsabiqəsinə ev sahibliyi edəcək. Bakı Qafqazın ən böyük şəhəri və Azərbaycanın paytaxtıdır. Xəzər dənizinin Qərb sahilində yerləşən, çoxsaylı palçıq vulkanları və duzlu göllərin mövcud olduğu Bakının 3,7 milyon əhalisi var”.

Saytda “Eurovision -2012” müsabiqəsinin hansı arenada keçiriləcəyi ilə bağlı hələ ki məlumat yerləşdirilməyib, hazırda bununla bağlı danışıqlar aparıldığı, yayımçı kanal İctimai Televiziyanın maraqlı təkliflərinin olduğu qeyd edilib. Məlumatda İctimai Teleradionun yaranma tarixindən, uğurlu iş fəaliyyətindən də danışılır.