Şou-biznes

Ana səhifə

Şou-biznes

Türkiyənin tanınmış müğənnisi Hande Yener Bakıda konsert verəcək

14 sentyabr 2011 08:53 (UTC +04:00)

Bakı. Ülkər Qasımova-APA. Türkiyənin tanınmış müğənnisi Hande Yener Bakıda konsert proqramı ilə çıxış edəcək. APA-nın məlumatına görə, bu barədə ötən gün keçirilən sosial və xeyriyyə layihəsinin tanıtım mərasimində “Baku Karting & Event Center”də (A.S.I.MMC) tədbirlərin təşkilatçısı vəzifəsində çalışan Ferit Çobar deyib.

O bildirib ki, “100 % konsert – 100% Party” adı altında baş tutacaq layihə məhz “Baku Karting & Event Center” tərəfindən həyata keçiriləcək. Layihənin məqsədindən danışan F.Çobar, bu zamana kimi imza atdıqları bir çox yeniliklər kimi, bunu da özləri üçün vəzifə hesab edirlər: “Xalqı doğru məlumatlandırmaq üçün bir-birindən fərqli sosial layihələrin içində yer almaq çox xoşdur. “100% konsert - 100% party” gecəmizdə əldə edəcəyimiz gəlirin bir qismi kimsəsiz uşaqlar üçün xərclənəcək. Biz atdığımız addımdan böyük şərəf duyuruq. Həyata keçirəcəyimiz bu layihə daha əvvəl Bakıda heç bir zaman həyata keçirilməyib. Amma bu cür layihələr festival halında dünyanın bir çox ölkələrində həyata keçirilib və uğurlu nəticələr əldə olunub”.

F. Çobar deyib ki, türkiyəli müğənninin konserti layihə çərçivəsində noyabrın ikinci həftəsində elə həmin məkanda olacaq. Konsertdə 1000-dən çox tamaşaçının iştirak etmək imkanı olacaq. Müğənninin çıxışından əvvəl konsert iştirakçıları üçün sosial layihənin təqdimatı keçiriləcək. Layihənin və konsertin təşkilatçısı “Baku Karting & Event Center”dir. Tanıtım gecəsində sosial və xeyriyyə layihəsi ilə bağlı hazırlanmış məlumat video-çarxı da nümayiş olunub.

Qeyd edək ki, bu Hande Yenerin Bakıda ikinci konserti olacaq.