Şou-biznes

Ana səhifə

Şou-biznes

Kənan Doğulu Azərbaycan mahnısına şeir yazaraq yeni albomuna daxil edəcək – FOTO

Kənan Doğulu Azərbaycan mahnısına şeir yazaraq yeni albomuna daxil edəcək – <font color=red>FOTO </font>

23 sentyabr 2011 14:09 (UTC +04:00)

O bildirib ki, bu yaxınlarda müştərək olaraq reklam şirkəti açıb: “Yeni reklam şirkətimiz açılıb və özümü filmdə sınamaq qərarına gəlmişəm. Artıq bununla bağlı ilk addımımı da atmışam və aktyorluq dərsinə başlamışam. Məni yaxınlarda filmlərdə görsəniz təəccüblənməyin. Artıq qərar vermişəm”.

İlk dəfə 10 yaşında musiqidən pul qazandığını açıqlayan Kənan Doğulu musiqiyə gəlməyinə heç də peşman deyil. O, musiqiçi qardaşı Ozan Doğulu ilə bir-birlərinə hər zaman dəstək olduqlarını da söyləyib: “Ozan yaşca məndən böyükdür və sənətə məndən daha tez başlayıb. Amma mən 10 yaşından pul qazanıram və sənətimi çox sevirəm. Ozanla daim məsləhətləşirik, təcrübələrimizi bölüşürük. Türkiyədə özümə ustad bildiyim yeganə sənətçi Zəki Mürəndir. Onun hər ifası mənə nələrsə öyrədir. Əgər müğənni olmasaydım ya şair olardım, ya da dənizçi. Şeir yazmağı çox sevirəm, dənizə də çox tez-tez gedirəm. Dənizdə ilham alıram, sakitləşirəm”.

Yaşına görə daha kiçik görünən və daim formada olan sənətçi, bu sirləri azərbaycanlı pərəstişkarları ilə bölüşüb: “Daim idman edirəm. Ən əsası, gündəlik olaraq velosipeddən istifadə edirəm. Qaçıram və bütün bunlar mənim formada olmağıma yardım edir. Çox gec əsəbiləşirəm və məni əsəbiləşdirmək çətindir. Amma özümdən çıxanda çox əsəbi oluram”.

Kənan Doğulu Azərbaycan mahnılarından birinə şeir yazacağını və həmin mahnını yeni albomuna salacağını açıqlayıb: “Mahnıları dinləyirəm, o qədər gözəl mahnılar var ki, onların arasından seçim etmək çətindir. Səsimə uyğununu seçib ona şeir yazaraq albomuma daxil etmək istəyirəm. Bu zamana kimi də Azərbaycan ritmlərindən istifadə edirdim və bu ritmləri çox sevirəm”.

kənan_doğulu