Şou-biznes

Ana səhifə

Şou-biznes

“Eurovision”da iki dəfə Latviyanı təmsil edən italiyalı müğənni: “Əminəm ki, Bakıda keçiriləcək “Eurovision-2012” möhtəsəm olacaq”

08 oktyabr 2011 15:48 (UTC +04:00)

Bakı. Ülkər Qasımova – APA. “Əminəm ki, bacarıqlı təşkilatçılığı və yüksək keyfiyyətli səhnəsi ilə “Bakı-2012” möhtəsəm olacaq. Bakıda olub bütün bunlardan zövq almağı arzu edirəm. Azərbaycanın bu müsabiqəni yüksək səviyyədə keçirəcəyinə inanıram”. APA-nın məlumatına görə, bu sözləri “Eurovision” musiqi yarışmasında iki dəvə Latviyanı təmsil edən italiyalı müğənni Roberto Meloni deyib. O, Azərbaycanın müsabiqədə 4 illik təmsilçiliyi müddətində yaddaqalan perfomanslar nümayiş etdirdiyini söyləyib: “Belqradda Azərbaycan nümayəndələrinin böyük şousunu gördüm, hər yerdə alov, odlar yurdu, rəqslər, rənglər, səmimi insanlar... Mən əminəm ki, Bakıda keçiriləcək “Eurovision” müsabiqəsi sizin milli keyfiyyətlərinizi nümayiş etdirəcək. Siz həqiqətən mənim İtaliyama çox yaxınsınız - mərhəmətli, nəzakətli, şən və güclü xarakterli. Bu rəngarəng emosiyalar sizin qədim mədəniyyətlə sintez olunub. Sizin folklor, sizin rənglər... Bütün bunlar “Eurovision” günləri yayılacaq və hamıya Azərbaycanın bir parçası olduqlarını hiss elətdirəcək”.

Bu müsabiqədə üçüncü dəfə özünü sınamaq haqqında düşünüb-düşünmədiyinə gəlincə, musiqiçi “Eurovision”un Avropadan olan bütün müğənnilərə özlərini tanıtmaq üçün böyük imkan yaratdığını bildirib: “İtalyan olsam da, Latviyanı 2 dəfə təmsil etmək mənim üçün böyük əhəmiyyət kəsb edir. Latviyanı iki dəfə finala çıxarmaq və səhnədə tamamilə fərqli çıxış edib öz üslubumu nümayiş etdirmək üçün əlimdən gələni etmişəm. Əgər İtaliyada seçimlər olsaydı mən əminliklə mahnı göndərərdim. Latviya haqqında isə fikirləşirəm ki, bu ölkəni finala çıxarmaq üçün latviyalı müğənnilərə şans verməyin vaxtı çatıb”.

Qeyd edək ki, R. Meloni Latviyada yaşayır. O, ilk dəfə “Eurovision” səhnəsində 2007-ci ildə 6 tenordan ibarət “Bonaparti.lv” qrupunun tərkibində çıxıs edib. Həmin il “Questa Notte” mahnısı ilə müsabiqənin 16-cısı olub. 2-ci dəfə isə müsabiqədə 2008-ci ildə “Pirates of the Sea” qrupunun solisti kimi çıxış edib. “Wolves of the Sea” mahnısı ilə 12-ci yeri tutub. Müğənni “Eurovision-2012”də Bakıda İtaliyanı təmsil etmək arzusundadır.

eurovision_bakı