Şou-biznes

Şou-biznes

Azərbaycanın “Junior Eurovision”dakı təmsilçisi bu gün məlum olacaq

09 oktyabr 2012 11:37 (UTC +04:00)

“Eurovision” mahnı müsabiqəsi üzrə Azərbaycanın nümayəndə heyətinin rəhbəri Hüsniyə Məhərrəmovanın APA-ya verdiyi məlumata görə, milli final bu gün saat 22:00 İctimai Televiziya və Radio Yayımları Şirkəti ilə (İTV) canlı yayımlanacaq.

Bu gün finala vəsiqə qazanan beş azyaşlı istedad - Nərmin Həsənova, Ömər Sultanov, Qəmərtac Maqsudova, Suada Ələkbərova, Toğrul Kərimov hər biri iki mahnı ilə öz bacarığını nümayiş etdirəcək. Beş finalçıdan biri məhz münsiflər heyətinin qərarı ilə “Junior Eurovision”da Azərbaycanı təmsil etmək şansı qazanacaq.

Bu gün təşkil olunacaq milli finalın xüsusi qonağı qismində Azərbaycanın “Eurovision”
qaliblərindən biri Eldar Qasımov da iştirak edəcək.

Qeyd edək ki, Azərbaycan bu il 10-cu dəfə keçirilən “Junior Eurovision”da ilk dəfə təmsil olunacaq. Dekabrın 1-də Amsterdam baş tutacaq müsabiqədə 12 ölkənin iştirakı təsdiqlənib.

Eurovision