Şou-biznes

Ana səhifə

Şou-biznes

Faiq Ağayevin çəkiləcəyi “Qamçı” serialı üçün pul tapılmır

17 avqust 2007 14:10 (UTC +04:00)

Uzun müddətdir filmdə çəkilmək üçün dəvət alan əməkdar artist Faiq Ağayevin bu arzusu hələ də reallaşmayıb. Bu barədə APA-ya məlumat verən sənətçi deyib ki, üç ildən artıqdır ssenarisi hazır olan filmin nə zaman istehsal olunacağı qeyri-müəyyəndir: “Üç il əvvəl “Qamçı” serialı haqqında söhbətlər başlayıb. Filmin ssenarisi jurnalist Əjdər Hacıyevə məxsusdur. Ancaq çox təəssüf ki, uzun zaman keçməsinə baxmayaraq, çəkiliş üçün maliyyə vəsaiti tapılmadı”. F. Ağayev bildirib ki, hətta rejissor Ülviyyə Könül tərəfindən filmin bədii ssenarisi hazırlanaraq çəkiliş məkanları da seçilmişdi: “İlkin vaxtlarda filmin başa gəlməsi üçün 100 min ABŞ dolları civarında bir vəsait lazım idi. Ancaq vəsait tapılmadı. İndi daha çox pul lazımdır”. Sənətçinin sözlərinə görə, filmin istehsalı üçün vəsait tapıldıqdan sonra çəkilişlər başlayacaq. /APA/