Şou-biznes

Ana səhifə

Şou-biznes

Aygün Kazımovaya iki qabırğasını çıxartdırmaq 20 min avroya başa gəlib

21 noyabr 2007 14:40 (UTC +04:00)

“Mən pərəstişkarlarım və sevənlərim üçün bir çox risklərə getmişəm. Bu da onlardan biridir. Bu əməliyyatı etməyimin əsas səbəbi isə bədənimin bel ətrafındakı hissələrinin ölçüsünü kiçiltmək olub. Bu əməliyyatı dünyada iki xanım edib, üçüncü xanım isə mənəm. Digər xanımlardan biri isə dünya şöhrətli aktrisa Demi Mur olub. Əməliyyat zamanı olduqca böyük qorxu keçirtdim və həyəcanlandım. Ancaq sonra məni sakitləşdirdilər. Bu gün sizlərin qarşısında olduğuma görə Allahıma şükür edirəm”.
Jurnalistlərin çıxardığı qabırğalarını saxlayıb-saxlamadığı barədə sualını cavablandıran A. Kazımova buna ehtiyac duymadığını bildirib: “Ona qalsa, gərək mən bu zamana kimi əməliyyat zamanı məndən çıxarılan hər şeyi saxlayardım. Əməliyyatdan sonra plastik cərrah Nekrasov bir sıra hərəkətləri etməyimə qadağa qoydu və qidama ciddi diqqət etməyi tapşırdı. Baxmayaraq ki, çox zaman həkimlərin məsləhətinə qulaq asmıram, ancaq bu dəfə hərəkətlərimə diqqət edəcəyəm. Bir müddət mənə çox çətin hərəkətlər etmək qəti qadağandır. Hələ də ağrılarım var”. Müğənni əməliyyata getdiyi üçün Namiq Qaraçuxurlu ilə münasibətlərinə xələl gəldiyini, lakin artıq bu problemləri bütünlüklə həll etdiyini bildirib: “Namiqlə münasibətlərimiz çox yaxşıdır. Artıq onunla aramda heç bir inciklik qalmayıb. Əməliyyatdan sonra Namiq məni hava limanında görəndə bir müddət danışa bilmədi. Diqqətlə mənim hər yerimə baxdı. Sonra da dedi ki, “Aygün, bəlkə Şəkiyə gedib piti yeyəsən”. Bundan sonra başa düşdüm ki, həqiqətən məndə dəyişiklik var. Artıq sevənlərim məni enli deyil, bütün bədənimi göstərəcək paltarlarda görəcəklər. Hələ ki, 10 faiz dəyişiklik var. Bir müddətdən sonra isə hər şey tamamilə öz yerinə düşəcək”.
A. Kazımova APA-ya açıqlamasında deyib ki, bu əməliyyat ona 20 min avroya başa gəlib. Yaradıcılığından da söz açan sənətçi deyib ki, tamaşaçılar qarşısında solo-konsert proqramı ilə çıxış etməyə hazırlaşır. Bu konsertin Heydər Əliyev adına Sarayın əsaslı təmiri yekunlaşdıqdan sonra may-iyun ayında həyata keçirilməsi nəzərdə tutulub: “Sentyabr üçün mən Yaşıl Teatrda konsert vermək fikrində idim. Ancaq sonra o konsertə hazırlaşa bilmədim. Çünki Tofiq Bəhramov adına Respublika Stadionundakı konserti Yaşıl Teatrda təqdim edə bilməzdim. Bu iki konsert salonunun bir-birindən fərqi çoxdur. Hər məkanın isə öz tamaşaçısı var. Düşünürəm ki, gələn il üçün pərəstişkarlarımı sevindirəcəyəm”. Bununla yanaşı, A. Kazımova rejissor Ülviyyə Könüllə bir neçə müddət əvvəl aralarında baş verən incikliyin aradan qalxdığını və yaxın vaxtlarda rejissorlar klip çəkilişlərinə başlayacağını deyib. Onun sözlərinə görə, bu klip repertuarına yenicə daxil olan “Tək” mahnısına çəkiləcək. /APA/