Şou-biznes

Ana səhifə

Şou-biznes

Aygün Kazımova: “Tolik haqqında düşünməyə bir an belə vaxtım yoxdur”

07 dekabr 2007 16:44 (UTC +04:00)

Əməkdar artist Aygün Kazımova prodüser Tolikin bir neçə gün əvvəl ondan üzr istəməsini hələ ki, qəbul etməyib. Bunu APA-ya açıqlamasında sənətçinin özü deyib. O bildirib ki, hazırda işlərinin çoxluğundan Tolik haqqında düşünməyə vaxtı yoxdur: “O, öz səhvlərini başa düşüb və məndən üzr istəyib. Mən isə onu bağışlayıb-bağışlamayacağım barədə hələ bir qərar verməmişəm. İşlərim o qədər çoxdur ki, onun haqqında düşünməyə bir an belə vaxtım yoxdur. Bununla bağlı düşünüb addım atmağı vacib hesab edirəm”. A. Kazımova onu da bildirib ki, Tolikin ondan üzr istəməsi onların barışmasına dəlalət etmir. Toliklə onun arasında bir də işbirliyinin olmayacağını bildirən sənətçi Tolikin yalnız üzrünü qəbul edə biləcəyini qeyd edib.
Məsələ ilə bağlı APA-ya açıqlama verən prodüser Tolik Aygün Kazımovanın onun üzrünü birtərəfli qarşıladığını deyib: “Çünki mən Aygün Kazımovadan ayrılan vaxtlarda onun Tofiq Bəhramov adına Stadionunda konsertinin keçirilməsi planlaşdırılırdı. O konsertin bütün tərtibatı, gedişi, sponsorunun tapılması işləri ilə mən məşğul olmuşdum və o konsertdən əvvəl ondan ayrılmışdım. Buna səbəb isə Aygün Kazımovanın iki il ATV telekanalında qadağan olunmasına səbəb olan Şaba adında bir işçinin Aygünə mənim toyları ucuz danışmağım haqda uydurduqları olmuşdu. Bundan sonra Aygün əsəbiləşərək məni məhkəməyə verməklə hədələmişdi”. Tolikin sözlərinə görə, bəzi müğənnilər bu yaxınlarda ona zəng vuraraq bildiriblər ki, Aygün Rəqsanəyə telefon eaçaraq, Toliki işdən çıxarmasını istəyib: “Çünki bunu bir dəfə Röya edib, qulağımla eşitmişəm. Röya zəng vurub Təranəyə bildirib ki, “Rəqsanə Toliki niyə işə götürüb? Görmürdü, mən bir dəfə çağıran kimi qaça-qaça mənim yanıma gəldi?” Bunu Röya Rəqsanəyə dəfələrlə mesajla da yazıb. Bundan sonra mən inandım. Mən də elə bildim ki, Aygün Kazımova da zəng edib bunu kiməsə deyib. Bunu aydınlaşdırmaq üçün Namiq Qaraçuxurlunun prodüseri Ataşa zəng edib dedim ki, “Aygün Kazımova kimdir ki, məni kiminsə yanından işdən çıxartdırsın”. Aygün Kazımovanın köməkçisi Hicran isə məni görəndə dedi ki, “Aygün şəxsən heç kimə zəng vurmayıb, yalan söhbətlərdir”. Ataş da mənə barışmağımızı məsləhət gördü. Ataşa dedim ki, əgər o, barışmaq istəyirsə, mən ondan yaşda kiçiyəm, üzr istəyərəm. Mən Aygündən üzr istəyərkən ona borcum olduğunu, onun haqlı olduğunu, biletinin satılmaması barədə dedikllərimi danmamışam və onun məni pul oğurluğunda günahlandırmasının həqiqət olduğunu deməmişəm. Mən Aygün Kazımovadan yalnız aramızda olan pərdəyə görə üzr istəmişəm və qadınlığına görə keçmişəm. Yoxsa məhkəməyə verib udardım və o, məndən dəfələrlə üzr istəyərdi. Mən ondan qorxub üzr istəməmişəm”. /APA/