Şou-biznes

Ana səhifə

Şou-biznes

Nahid Kabakçı: “Aygün Kazımovanın etmədiyi işi mən yüksək səviyyədə həyata keçirdim”

11 dekabr 2007 16:07 (UTC +04:00)

“Aygün Kazımova mənə çox böyük təşəkkür borcludur. Çünki onun etmədiyi işi mən yüksək səviyyədə həyata keçirdim”. APA-nın məlumatına görə, bu sözləri “Best model of the world” yarışmasının təşkilatçılarından olan, iş adamı Nahid Kabakçı deyib. N. Kabakçı 2006-cı ildə Aygün Kazımovanın rəhbərliyi ilə keçirilən yarışmada birincilik əldə edən Rüstəm Zeynalov və Lalə Cəfərovanın “Best Model” yarışmasında təmsil oluna bilməməsinin günahını məhz Aygün Kazımovada görüb, sənətçinin ondan üzr istəyəcəyinə ümid etdiyini də dilə gətirib. 2008-ci ildə Azərbaycanda “Best Model” müsabiqəsinin təşkil olunacağını açıqlayan iş adamı, artıq bununla bağlı bir sıra şirkət rəhbərlərinin Erkan Özərmana müraciət etdiyini deyib: “Dekabrda Erkan Özərman bu yarışmanı keçirmək arzusunda olan iş adamları ilə görüşəcək. Çox güman ki, yaxın vaxtlarda 2008-ci ildə “Best model of Azerbaidjan” yarışmasının təşkilatçısını adı məlum olacaq”. /APA/