Şou-biznes

Ana səhifə

Şou-biznes

Tarkanın konsertinə biletlərin qiyməti 50-300 manat arasında olacaq

12 dekabr 2007 11:09 (UTC +04:00)

2008-ci ilin yanvarından Türkiyənin meqa-starı Tarkanın mayın 10-11-də Yaşıl Teatr Bakı Konsert Kompleksində keçiriləcək konsertinin reklamına start veriləcək. Bunu APA-ya açıqlamasında konsertin təşkilatçısı “SƏS Organization”un rəhbəri Nahid Emiloğlu deyib. Artıq reklam çarxlarının və afişaların hazırlanmasına başlanıldığını bildirən təşkilatçının sözlərinə görə, Tarkan bakılı pərəstişkarları qarşısına bu günlərdə işıq üzü görəcək ən yeni albomu ilə çıxacaq: “Tarkanın Bakıdakı konsertində sürprizlər gözlənilir. Bu sürprizləri ancaq iki günlük konsertə qatılacaq tamaşaçılar görəcək. Düşünürəm ki, bu layihəmiz çoxlarını sevindirəcək”. Təşkilatçının sözlərinə görə, iki günlük konsertin biletlərinin qiyməti 50-300 manat arasında olacaq. Mayın 10-da keçiriləcək ilk konsert mərhum prezident Heydər Əliyevin doğum gününə həsr ediləcək.
Layihəyə qoşulmaq arzusunda olan şirkətlər 050-597-99-11 (Gülşən xanım) mobil nömrəsi ilə əlaqə saxlaya bilərlər.
Konsertlə bağlı fikir və düşüncələrini, eləcə də istəklərini bildirmək istəyənlər [email protected], birbaşa təşkilatçı Nahid Emiloğlu ilə əlaqə saxlamaq istəyənlər isə [email protected] ünvanına məktub göndərə bilərlər.
Qeyd edək ki, konsertin informasiya dəstəyi APA İnformasiya Agentliyinə məxsusdur. /APA/