Şou-biznes

Ana səhifə

Şou-biznes

Eurovision-2008: Elnur Hüseynov və Samir Cavadzadə Gürcüstanda konsert proqramı ilə çıxış edəcəklər

02 aprel 2008 14:19 (UTC +04:00)

Bakı. Ülkər Qasımova - APA. “Eurovision-2008” Azərbaycanı müsabiqəsində təmsil edəcək Elnur Hüseynov və Samir Cavadzadə aprelin 3-də Gürcüstana gedəcəklər. “Eurovision-2008” müsabiqəsində Azərbaycanın nümayəndə heyətinin rəhbəri Adil Kərimli APA-ya açıqlamasında deyib ki, səfər aprelin 5-dək davam edəcək: “Səfər çərçivəsində təmsilçilərimiz bu müsabiqədə ifa edəcəkləri “Day after day” mahnısı ilə çıxış edəcəklər. Eyni zamanda Elnur və Samir Tiflis kanallarının qonağı olacaq və yerli KİV nümayəndələrinə müsahibələr verəcəklər. Bu müddət ərzində “Day after day” mahnısının klipi də Tiflis telekanallarında nümayiş olunacaq”. A. Kərimlinin sözlərinə görə, E. Hüseynov və S. Cavadzadə aprelin 12-dən etibarən növbəti Avropa turnesinə çıxacaqlar. Promo-turne çərçivəsində təmsilçilərimiz Malta, Rumıniya, Andorra, Moldova və Sloveniyada ”Day after day” mahnısını ifa edəcəklər.