Şou-biznes

Şou-biznes

Azərbaycanı “Eurovision-2008” müsabiqəsində təmsil edəcək Elnur Hüseynov və Samir Cavadzadə Belqradda məşqlərə başlayıblar

13 may 2008 14:55 (UTC +04:00)

Bakı. Ülkər Qasimova-APA. Azərbaycanı “Eurovision-2008” müsabiqəsində təmsil edəcək Elnur Hüseynov və Samir Cavadzadə Serbiya paytaxtında məşqlərə başlayıblar. Hazırda Belqradda olan Azərbaycan nümayəndə heyətinin təşkilat komitəsindən APA-ya bildirilib ki, Gövhər Həsənzadənin “Day after day” mahnısı Belqradda akkreditə olunmuş xarici ölkə jurnalistlərinin də diqqətini cəlb edib. Jurnalistlər açıqlamalarında mahnının finala vəsiqə qazanmaq şansının yüksək olduğunu bildirirlər. Serb mətbuatı Azərbaycan təmsilçilərini “Mələk və Şeytan” adlandıraraq, təmsilçilərimizin yüksək potensialına malik olduqlarını qeyd ediblər. Artıq ilk məşqlərini reallaşdıran təmsilçilərimiz elə ilk mətbuat konfransında özləri ilə apardıqları audio-video materiallarla yanaşı, bukletləri də Belqrada toplaşanlara paylayıblar. Onu da qeyd edək ki, müsabiqə iştirakçıları ilə KİV nümayəndələrinin və fanatların daha sıx əlaqələr yarada bilməsi üçün Belqradda avroklub fəaliyyətə başlayıb. Bir neçə gündən sonra isə E. Hüseynov və S. Cavadzadə Belqrad arenasında sonuncu məşqlərini edəcəklər. Bununla bərabər təmsilçilərimizin yarışmaya qədər daha bir dəfə mətbuat konfransının keçirilməsi planlaşdırılır.