Şou-biznes

Şou-biznes

“Eurovision-2008” müsabiqəsinin təşkilinə 19,7 milyon avro sərf olunub

26 may 2008 13:07 (UTC +04:00)

Müsabiqə bu il büdcəsinə görə də rekord vurub. Belə ki, builki “Eurovision” müsabiqəsinin büdcəsi 19 milyon 674 min 703 avro təşkil edib. Serbiya hökuməti səhnənin qurulmasına, işıqlandırılmasına və digər texniki xərclərə 9,6 milyon avro sərf edib. Avropa Yayımlar Birliyi Serbiyanın RTS telekompaniyası ilə birlikdə əlavə bu işə 10 milyon avro ayırıb. Serb televiziya işçiləri bu vəsaitin çoxunu yeni yayım texnologiyasına sərf ediblər. Müsabiqə HD (High Definition) formatında yayımlanıb.
Qeyd edək ki, keçən il keçirilən “Eurovision” yarışmasının xərcləri 11 milyon avro təşkil edib. Belqradda keçirilən 53-cü “Eurovision” müsabiqəsi Serbiya tarixində ən bahalı tədbirdir. Amma 2009-cu ildə Belqradda keçirilməsi nəzərdə tutulan “Yay Universiadası -2009”un bu rekordu təzələyəcəyi gözlənilir. Serbiyada keçirilən müsabiqədə əsas diqqət şounun keçirilməsinə yönəldiyi üçün, Helsinkidən fərqli olaraq Belqradda heç bir əlavə mədəniyyət proqramları təşkil olunmayıb. “Eurovision-2008” müsabiqəsinin qalibi olan Rusiya təmsilçisi Dima Bilanın çıxışının təşkilinə Moskva 10 milyon ABŞ dollarına yaxın pul yatırıb. Onu da qeyd edək ki, Elnur Hüseynov və Samir Cavadzadə bir neçə gün bundan əvvəl “Eurovision-2008” müsabiqəsinin ən yaxşı perfomansı nominasiyasına layiq görülüblər.