Gürcüstanın tanınmış estrada müğənnisi Veriko Turaşvili görkəmli Azərbaycan müğənnisi Rəşid Behbudovun “Bahar sənsiz” mahnısına klip çəkdirib.
APA-nın Tbilisi müxbiri xəbər verir ki, klipin təqdimatı bu gün Tbilisidəki Mirzə Fətəli Axundov adına Azərbaycan Mədəniyyəti Muzeyində baş tutub.
Müğənni klipin çəkilişlərinin Gürcüstanda baş tutduğunu, layihədə gürcü, azərbaycanlı və türk peşəkar musiqiçilərin əməyinin olduğunu qeyd edib.
Veriko Turaşvili qeyd edib ki, hazırda 8 mahnının yer alacağı Azərbaycan mahnılarından ibarət albom üzərində işini davam etdirir.
Xatırladaq ki, Veriko Turaşvili bir müddət öncə “Sarı Gəlin” Azərbaycan xalq mahnısına da klip çəkdirib. Müğənni növbəti hədəfinin “Laçın” mahnısına elə Laçın rayonunda klip çəkdirmək olduğunu qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
