Bakı. Ülkər Qasımova – APA. Bu ilin mayında İsveçin Malmö şəhərində keçiriləcək “Eurovision 2013” mahnı müsabiqəsində San-Marinonun təmsilçisinin kimliyi müəyyənləşib. APA-nın müsabiqənin rəsmi saytına istinadən yaydığı xəbərə görə, ötən il Bakıda keçirilən müsabiqədə ölkə adından çıxış edən Valentina Monetta bu il özünü bu yarışmada bir daha sınayacaq. Ötən il facebook sosial şəbəkəsinə həsr olunmuş mahnı ilə səhnəyə çıxan müğənninin, bu il “Chrysalis” mahnısını ifa edəcəyi gözlənilir. Mahnının müəllifləri Ralf Slegel və Mauro Balestridir.