“Bir il ərzində 250 mindən çox Gürcüstan vətəndaşı Şengen zonası ölkələrinə vizasız səfər edib”.
APA-nın yerli bürosunun məlumatına görə, bunu Gürcüstan xarici işlər nazirinin müavini Vaxtanq Maxaroblişvili deyib. O bildirib ki, Aİ ilə viza rejiminin liberallaşdırılması siyasi əhəmiyyətə malik böyük nailiyyətdir: “Bu nailiyyətin qorunub saxlanılması çox vacibdir”.
Gürcüstanın baş naziri Giorgi Kvirikaşvili də hökumətin iclasında Avropa İttifaqı ilə viza rejiminin aradan qaldırılmasını böyük siyasi addım adlandırıb: “Viza rejiminin liberallaşdırılması yalnız vizasız səfər etmək deyil. Bu, Avropa İttifaqının Gürcüstana böyük etibarının göstəricisidir”.
Qeyd edək ki, sabah Gürcüstan və Aİ arasında vizasız rejimin qüvvəyə minməsinin bir ili tamam olur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
